ᓇᒻᒥᓂᖁᑎᖃᕐᓂᕐᒨᖓᔪᑦ

ᒪᓂᒪᑎᑦᓯᕙᑦᑐᒍᑦ ᑮᓇᐅᔭᓕᐅᕋᓱᐊᕐᕕᓐᓂᒃ, ᐊᖏᕐᕋᕐᓂᒃ ᐊᒻᒪᓗ ᓴᓐᓇᕕᓐᓂᒃ, ᓴᓇᔭᐅᓯᒪᔪᑦ ᑎᑭᐅᒪᔭᕆᐊᖃᖅᓱᑎᒃ ᖁᑦᓯᑦᑐᒻᒪᕆᓐᓄᑦ ᐱᔪᓐᓇᕐᓂᖏᓐᓄᑦ NCC, 11-ᓂ ᓄᓇᕗᒻᒥ ᓄᓇᓕᓕᓐᓂ ᐅᑯᐊᓗ:

  • 10 ᐊᓪᓚᕝᕕᖃᕐᕖᑦ, ᐅᑯᐊᓗ ᓄᓇᕗᒻᒥ ᒪᓕᒐᓕᐅᕐᕕᒃ, ᐊᑐᖅᑐᐊᖅᑕᐅᔪᖅ ᓄᓇᕗᒻᒥ ᒐᕙᒪᒃᑯᖏᓐᓄᑦ;
  • 129 ᐊᖏᕐᕋᐃᑦ ᐊᑐᖅᑐᐊᖅᑕᖏᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ
  • ᐃᓄᒃᓱᒐᐃᑦ ᐃᓪᓗᐊᓗᒃ, ᓴᓇᒋᐊᙵᖅᓯᒪᔭᕗᑦ ᐃᖃᓗᓐᓂ, ᐊᖏᕐᕋᐅᑦᓱᑎᒃ ᑮᓇᐅᔭᓕᐅᕋᓱᐊᕐᕕᐅᑦᓱᑎᓪᓗ.
  • ᓴᓐᓇᕕᒻᒧᑦ ᓯᕐᓗᐊ ᓇᒻᒥᓂᐅᔪ NCC ᐊᒻᒪᓗ ᐊᑐᖅᑐᐊᕐᕕᒃ ᑯᐊᐳᕇᓴᓐ, ᑲᑐᔾᔨᖃᑎᖃᕐᓂᑦᑎᒍᑦ, NCC/AC Industrial Park L.P.
  • ᑮᓇᐅᔭᓕᐅᕋᓱᐊᕐᕕᐅᑦᓱᓂ ᐊᖏᕐᕋᖃᕐᕕᒃ ᑲᖏᖅᖠᓂᕐᒥ.
ᐊᐅᓚᓂᖃᖅᐸᓪᓕᐊᔪᒍᑦ ᐱᕙᓪᓕᐊᑎᑦᓯᓂᕐᒥᒃ ᓄᑖᕐᒥᒃ ᓱᓇᑐᐃᓐᓇᕐᓅᖓᔪᒥᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᒻᒪᓗ ᐊᖏᕐᕋᖃᕐᕕᒻᒥᒃ ᐊᑉᐸᓯᑦᑐᒥ ᐃᖃᓗᓐᓂ ᑲᑐᔾᔨᖃᑎᖃᖅᓱᑕ Qikiqtaaluk Properties Inc., QPI/NCC Plateau Development L.P.

ᐊᑐᐃᓐᓇᐅᑎᑦᓯᒻᒥᔪᒍᑦ ᐱᖁᑎᓂᒃ ᐊᐅᓚᑦᓯᓂᕐᒧᑦ ᐱᔨᑦᓯᕋᐅᑎᓂᒃ ᕿᑎᕐᒥᐅᓂ ᓄᓇᕗᒻᒥ.

ᐱᓕᕆᐊᑦᓴᕆᔭᕗᑦ ᐊᑐᖅᑐᐊᖅᑎᖁᑎᕗᑦ ᐅᖅᑰᔪᒦᖁᓪᓗᒋᑦ, ᐸᓂᖅᑐᒥ ᐊᓂᖅᑎᕆᓇᑦᓯᐊᖅᑐᒥᓗ 24/7

ᐱᖁᑎᖃᖅᑐᒍᑦ ᐊᕕᑦᑐᖅᓯᒪᓂᓕᒫᖏᓐᓂ ᓄᓇᕗᑦ.

ᕿᑭᖅᑖᓗᒃ:
  • ᒥᑦᑎᒪᑕᓕᒃ
  • ᐸᓐᓂᖅᑑᖅ
  • ᑭᙵᐃᑦ
  • ● ᐃᒡᓗᓕᒃ
  • ᐃᖃᓗᐃᑦ

ᑭᕙᓪᓕᖅ:
  • ᖃᒪᓂᑦᑐᐊᖅ
  • ᑲᖏᖅᖠᓂᖅ
  • ᐊᕐᕕᐊᑦ

ᕿᑎᕐᒥᐅᑦ:
  • ᐅᖅᓱᖅᑑᖅ
  • ᑯᒡᓗᒃᑐᖅ
  • ᐃᖃᓗᒃᑑᑦᑎᐊᖅ.

ᑕᐃᒪᐃᓕᖓᒻᒪᑦ ᐊᕐᕌᒍᓄᑦ ᖁᓕᓄᑦ ᐸᕐᓇᐅᑎᕗᑦ, ᑮᓇᐅᔭᖅᑑᑎᖃᖅᐸᑦᑐᒍᑦ ᐅᖓᑖᓄᑦ $3−ᒥᓕᐊᓐ ᐊᕐᕌᒍᑕᒫᑦ ᖃᐅᔨᓴᑦᓯᐊᕈᑎᒋᑦᓱᒋᑦ ᐱᖁᑎᕗᑦ ᒪᑭᒪᔭᐅᑦᓯᐊᕋᐊᓗᐊᕐᒪᖔᑕ.

ᓱᖏᖅᑑᑎᒋᑦᓯᐊᐸᑦᑕᕗᑦ ᐃᖅᑲᓇᐃᔭᖅᑎᕗᑦ ᐊᐅᓚᑦᓯᔩᓪᓗ ᖁᑦᓯᓂᖅᐹᓂᒃ ᐊᑐᖅᑐᐊᖅᑐᓄᑦ ᐱᔨᑦᓯᖁᓪᓗᒋᑦ.

ᐊᑐᖅᐸᑦᑐᒍ ᓄᓇᓕᓐᓂ ᑳᑦᑐᓛᑦᑏᑦ ᐱᔨᑦᓯᕋᐅᑎᖏᓐᓂᒃ ᓄᓇᓕᓐᓂ 11−ᓂ ᑕᕝᕙᓴᐃᓐᓇᖅ ᐱᔨᑦᓯᖅᑕᐅᑦᓯᐊᖁᓪᓗᒋᑦ.