ᑎᒥᐅᔫᑉ ᐋᖅᑭᑦᓯᒪᓂᖓ

NCC Properties Limited ᐊᒻᒪᓗ NCC Development Limited ᐊᑕᖏᖅᑐᒥᒃ ᓇᒻᒥᓂᕆᔭᐅᔪᑦ ᓇᒻᒥᓂᖃᖃᑎᒌᑦᑐᓄᑦ NCC−ᑯᓐᓂᒃ ᑮᓇᐅᔭᓕᐅᕋᓱᐊᖃᑎᒌᓐᓂᕐᒧᑦ ᑎᒥᐅᔪᑦ.


ᐱᓕᕆᐊᑦᓴᕗᑦ
ᓴᓇᑐᓂᖃᕐᓗᑕ ᐱᓕᕆᖃᑎᒌᓐᓂᖅ ᑲᒻᐸᓂᐅᔪᑦ ᖃᐅᔨᒪᔭᐅᑦᓯᐊᖅᑐᑦ ᑲᔪᓯᑎᑦᓯᓂᕐᒧᑦ ᐱᐅᔪᒻᒪᕆᓐᓂᒃ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᓂᕐᒧᑦ ᐱᕕᑦᓴᖃᕐᓂᐅᔪᓂᒃ ᐊᒻᒪᓗ ᖃᓄᖅᑑᕈᑕᐅᔪᓂᒃ 1995−ᒥᓂᑦ.

ᑕᐅᑐᖅᑰᖅᑕᕗᑦ
ᓯᕗᓕᖅᑎᐅᓗᑕ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᓂᕐᒧᑦ ᖃᓄᖅᑑᕈᑕᐅᔪᓄᑦ ᐱᓪᓚᕆᓐᓂ, ᓴᓇᓂᐅᔪᓂ, ᐊᒻᒪᓗ ᑮᓇᐅᔭᖅᑑᑕᐅᔪᓂᒃ ᐊᐅᓚᔾᔭᐃᔪᓂᒃ ᐱᒃᑯᒋᔭᖃᕐᓂᕐᒥᒃ, ᖃᑭᒪᓇᓱᐊᕈᑎᑦᓴᓂᒃ, ᐃᖅᑲᓇᐃᔮᓂᒃ ᐊᒻᒪᓗ ᑲᑐᔾᔨᖃᑎᒌᓐᓂᐅᔪᓂᒃ ᓄᓇᕗᒻᒥᐅᓄᑦ.

ᐊᑐᖅᑐᖁᑎᕗᑦ
  • ᐱᕙᓪᓕᐊᑎᑦᓯᓂᖅ ᐃᓄᓐᓂᒃ ᐃᖅᑲᓇᐃᔭᕐᕕᒻᒥ ᐃᖅᑲᓇᐃᔭᖅᑐᓂᒃ ᐊᑐᐃᓐᓇᐅᑎᑦᓯᓂᕐᓗ ᐃᓄᓐᓄᑦ ᐱᕕᑦᓴᖃᕐᓂᐅᔪᓂᒃ ᐊᑑᑎᓕᓐᓄᑦ ᐃᖅᑲᓇᐃᔮᓄᑦ ᐃᖅᑲᓇᐃᔮᒻᒪᕆᓐᓄᓪᓗ, ᐱᕚᓪᓕᕈᑎᑦᓴᓂᒃ ᐃᓕᓐᓂᐊᖅᑎᑕᐅᕙᓪᓗᑎᒃ ᐊᒻᒪᓗ ᐃᑲᔪᖅᑐᖅᑕᐅᕙᓪᓗᑎᒃ ᐅᖃᐅᔾᔨᔨᖃᕐᓂᒃᑯᑦ (ᓲᕐᓗ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᑎᑦᓯᓂᑦᑎᒍᑦ)
  • ᑲᔪᓯᑎᑦᓯᓂᖅ ᖁᑦᓯᓂᖅᐹᓂᒃ ᐱᐅᔪᓂᒃ ᓱᓇᑐᐃᓐᓇᕐᓂᒃ ᐱᔨᑦᓯᕋᐅᑎᓂᓪᓗ, ᑕᒪᒃᑮᓐᓄᑦ ᓴᓇᔭᑦᑎᓐᓄᑦ ᐊᒻᒪᓗ ᐱᖁᑎᓂᒃ ᐊᐅᓚᑦᓯᓂᕐᒨᖓᔪᓄᑦ.
  • ᑎᑭᐅᑎᓂᖅ ᖁᑦᓯᓂᖅᐹᓄᑦ ᓂᐅᕕᖅᑐᓄᑦ ᐊᑐᖅᑐᐊᖅᑎᓄᓪᓗ ᓈᒻᒪᒋᔭᐅᓂᕐᒧᑦ
  • ᓴᖅᑮᓂᖅ ᒪᓕᑦᓯᐊᕐᓂᕐᓗ ᒪᓕᒐᕐᓂᒃ ᐊᑐᐊᒐᕐᓂᓪᓗ ᖃᐅᔨᓴᑦᓯᐊᕈᑕᐅᓗᑎᒃ ᐋᓐᓂᐊᑦᑕᐃᓕᒪᓂᖏᓐᓄᑦ ᐊᑦᑕᓇᑦᑕᐃᓕᒪᓂᖏᓐᓄᓪᓗ ᐃᖅᑲᓇᐃᔭᖅᑎᖁᑎᑦᑕ ᐊᒻᒪᓗ ᓄᓇᓕᓐᓂᒃ ᑎᒍᒥᐊᖅᑎᐅᔪᑦ
  • ᐊᐅᓚᔾᔭᐃᓂᖅ ᖃᓄᐃᙱᓯᐊᕐᓂᒃᑯᑦ ᖃᑭᒪᓇᓱᐊᕐᓂᕐᒥᒃ ᓇᒻᒥᓂᖃᖃᑎᒋᔭᑦᑎᓐᓄᑦ
  • ᐃᑲᔪᖅᑐᕐᓂᖅ ᓄᓇᓕᓕᓐᓂᒃ ᐊᐅᓚᓂᖃᕐᕕᒋᔭᑦᑕᓐᓂ


ᓇᒻᒥᓂᖃᖃᑎᒌᑦᑐᑦ

ᓇᒻᒥᓂᖃᖃᑎᒌᑦᑐᑦ NCC Investment Group Inc.−ᑯᓐᓂ ᐅᑯᐊᖑᔪᑦ ᐃᓄᓐᓄᑦ ᑎᒥᖁᑎᒋᔭᐅᔪᑦ ᓄᓇᕗᒻᒥ: ᓄᓇᓯ ᑯᐊᐳᕇᓴᓐ, ᕿᑎᕐᒥᐅᑦ ᑯᐊᐳᕇᓴᓐ, ᓴᒃᑯ ᑮᓇᐅᔭᓕᐅᕋᓱᐊᖅᑏᑦ ᑯᐊᐳᕇᓴᓐᖓᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᓐ.

NCC ᑮᓇᐅᔭᓕᐅᕋᓱᐊᖅᑏᑦ ᐱᓇᓱᐊᖅᑕᖏᓐᓂ ᐊᐅᓚᓂᐅᔪᑦ ᐱᖃᓯᐅᔾᔨᔪᑦ ᐱᓪᓚᕆᓐᓂᒃ ᐊᑐᖅᑐᐊᑎᑦᓯᓂᖅ, ᐱᖁᑎᓂᒃ ᐊᐅᓚᑦᓯᓂᖅ, ᐱᓪᓚᕆᓐᓂᒃ ᐱᕙᓪᓕᐊᑎᑦᓯᓂᖅ ᐊᒻᒪᓗ ᓴᓇᓂᖅ. ᐊᐅᓚᓂᖃᖅᐸᑦᑐᒍᑦ ᓄᓇᕗᑦ ᐃᓗᐊᓂ. NCC ᐱᓕᒻᒪᑦᓯᒪᑦᓯᐊᖅᑐᖅ ᑕᑦᑳᓂ ᐃᒻᒥᒃᑯᑦ ᑲᑐᔾᔨᖃᑎᖃᕐᓂᕐᒥᒃ, ᐊᐅᓚᓂᐅᔪᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᐊᐅᓚᓂᐅᔪᓄᑦ ᑮᓇᐅᔭᖃᖅᑎᑦᓯᓂᕐᒥᒃ.

NCC Corporate Brochure
NCC Corporate Brochure