NCC Development Limited ᐅᐱᒍᓱᑦᑐᑦ ᐃᓕᓐᓂᐊᕋᔅᓴᖃᖅᑎᑦᑎᓗᑎ ᓴᓇᔨᕈᕆᐅᔅᓴᓂᕐᒧᑦ ᐃᓕᓐᓂᐊᓂᕐᒧᑦ ᐱᓕᕆᐊᓂᑦ ᐃᓄᓐᓄᑦ. ᑖᒃᑯᐊ 14 ᐱᓇᓱᐊᕈᓯᕐᓄᑦ ᐱᓕᕆᐊᑦ, ᐊᑐᐃᓐᓇᑐᐊᖑᔪᑦ ᐃᓄᓐᓄᑦ, ᐃᑲᔪᕐᓂᐊᖅᑐᑦ ᐱᕈᖅᑎᑦᑎᓗᑎ ᐃᖅᑲᓇᐃᔭᖃᑦᑕᖅᑐᓂᑦ ᐊᒻᒪ ᖁᕝᕙᕆᐊᖅᑕᓂᖏᓐᓄᑦ ᐃᖅᑲᓇᐃᔮᖏᓐᓂ ᐃᓪᓗᓕᐅᓂᕐᒧᑦ ᐱᓕᕆᔪᓂᑦ. NCCD ᐱᔪᒪᓂᖃᖅᑎᑦᑎᓂᐊᖅᑐᑦ ᑖᒃᑯᓂᖓ ᐃᖅᑲᓇᐃᔭᖃᑦᑕᖅᑐᓂᑦ ᓯᕗᓂᔅᓴᒥ ᐃᓪᓗᓕᐅᓂᕐᒧᑦ ᐱᓕᕆᐊᓄᑦ ᖁᕝᕙᕆᖁᐊᖅᑕᐅᓗᑎᑦ ᐃᓄᐃᑦ ᐃᖅᑲᓇᐃᔭᖅᑐᑦ ᓄᓇᕗᒻᒥ ᐃᖅᑲᓇᐃᔭᕐᕕᐅᔪᓂᑦ ᐊᒻᒪ ᐊᑦᑎᓪᓕᒋᐊᖅᑕᐅᓗᑎ ᐱᔭᐅᔭᕆᐊᖃᕐᓂᖏᑦ ᖃᓪᓗᓈᑦ ᓄᓇᖓᓂ ᐃᖅᑲᓇᐃᔭᖅᑏᑦ.

ᑖᒃᑯᐊ ᐱᓕᕆᐊᑦ ᐱᖃᓯᐅᔾᔨᔪᑦ:

  • ᐃᓕᓐᓂᐊᕕᒻᒥ ᐃᓕᓐᓂᐊᕐᓂᖅ − ᖃᐅᔨᑎᑕᐅᓂᖏᑦ ᓴᓇᔨᓄᑦ (6 ᐱᓇᓱᐊᕈᓰᑦ)
  • ᐃᖅᑲᓇᐃᔮᖑᕙᑦᑐᓂᑦ ᐊᑐᖅᑐᑎ ᐃᓕᓐᓂᐊᕐᓂᖅ - ᖃᐅᔨᒪᓂᐅᔪᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ (4 ᐱᓇᓱᐊᕈᓰᑦ)
  • ᐃᖅᑲᓇᐃᔮᒧᑦ ᐃᓕᓯᒪᔭᐅᓂᖓ NCCDᑯᓐᓄᑦ - ᐃᖅᑲᓇᐃᔭᕐᕕᐅᔪᒥᑦ ᖃᐅᔨᒪᓂᐅᔪᑦ ᐊᑐᖅᑕᐅᕙᑦᑐᑦ (4 ᐱᓇᓱᐊᕈᓰᑦ)

ᑐᑭᓯᒋᐊᖅᑎᑎᓐᓇᓂᐊᖅᑐᒍᑦ ᐃᓕᓐᓂᐊᓂᕐᒧᑦ ᓇᒦᓐᓂᖏᓐᓄᑦ ᐊᒻᒪ ᐅᓪᓗᖏᓐᓂ ᑐᑭᓯᒋᐊᕈᑏᑦ ᐊᑐᐃᓐᓇᐅᓕᕈᑎ.

ᐃᓕᓐᓂᐊᖅᑐᑦ ᐊᑭᓕᖅᑕᐅᔪᑦ ᑕᕝᕙᓂ ᐃᓕᓐᓂᐊᕐᓂᖃᖅᑎᓪᓗᒋᑦ.

ᐃᖅᑲᓇᐃᔭᖃᑦᑕᓚᐅᖅᓯᒪᖏᑦ ᐱᑕᖃᕆᐊᖃᖅᑎᑕᐅᖏᑦᑐᑦ ᐃᓄᓐᓄᑦ ᐃᓚᒋᔭᐅᓕᕐᓗᑎ ᓴᓇᔨᕈᕆᐅᖅᓴᓂᕐᒧᑦ ᐃᓕᓐᓂᐊᓂᕐᒧᑦ ᐊᒻᒪ ᑐᓴᐅᒪᑎᒍᒪᒍᕕᐅᒃ ᐱᔪᒪᓂᕆᔭᐃᑦ ᑖᒃᑯᓇᓂ ᐱᓕᕆᐊᓂᑦ, ᐱᔭᕇᕐᓗᒍ ᐊᑖᓃᑦᑐᖅ ᐊᑎᓕᐅᓂᕐᒧᑦ ᑕᑕᑎᕆᐊᓕᒃ ᐊᒻᒪ ᓇᓗᓇᐃᕐᓗᒍ ᐃᓕᓐᓂᐊᓂᕐᒧᑦ ᓇᒦᓐᓂᖏᑦ ᐃᕝᕕᑦ ᐱᔪᒪᔭᖏᓐᓂᑦ. ᐱᓕᕆᐊᖅ ᑕᑕᓐᓂᕈᓂ, ᐊᓯᖏᑦ ᐱᔪᒪᓂᖃᖅᑐᑦ ᐊᑎᓕᐅᖅᓯᒪᔪᑦ ᐅᑕᖅᑭᔪᓂᑦ ᑎᑎᕋᖅᓯᒪᔪᓅᖅᑕᐅᓂᐊᖅᑐᑦ.