NCC ᓯᕗᒧᐊᒍᑎᖃᖅᐳᑦ ᐊᖏᕈᑎᒋᓯᒪᔭᖓᓂᒃ Igluliuqatigiingniq Nunavut 3000 ᑲᑎᒪᖃᑕᐅᓪᓗᑎᒃ ᐃᒡᓗᓕᕆᓂᕐᒧᑦ ᑲᑎᒪᓂᐅᔪᒥ

ᑐᓴᒐᒃᓴᖅ

ᔫᓂ 14 2023

NCC ᓯᕗᒧᐊᒍᑎᖃᖅᐳᑦ ᐊᖏᕈᑎᒋᓯᒪᔭᖓᓂᒃ Igluliuqatigiingniq Nunavut 3000 ᑲᑎᒪᖃᑕᐅᓪᓗᑎᒃ ᐃᒡᓗᓕᕆᓂᕐᒧᑦ ᑲᑎᒪᓂᐅᔪᒥ

ᐃᖃᓗᐃᑦ, ᓄᓇᕗᑦ -- NCC ᐱᕙᓪᓕᐊᑎᑦᑎᓂᕐᒧᑦ ᑎᒥᖕᒐᑦ (NCC) ᕿᓚᓈᖅᐳᑦ ᑲᑎᒪᖃᑕᐅᓂᐊᕐᓂᕐᒥᓂᒃ Igluliuqatigiingniq Nunavut 3000 ᐃᒡᓗᓕᕆᓂᕐᒧᑦ ᑲᑎᒪᓂᐅᔪᒥ, ᔫᓂ 14-16, 2023ᒥ ᓯᕗᒧᐊᒍᑕᐅᖕᒪᑦ ᓄᓇᕗᒥ ᐃᒡᓗᓕᕆᓂᕐᒧᑦ ᑲᔪᓯᒋᐊᕈᑕᐅᖁᔭᐅᓯᒪᔪᓂᒃ ᑭᙴᒪᔭᐅᓪᓚᕆᒃᑐᓂᓗ.  Igluliuqatigiingniq Nunavut 3000 ᑲᑐᔾᔨᓂᒃᑯᑦ ᐱᓕᕆᖃᑎᒌᖕᓂᐅᖕᒪᑦ ᒐᕙᒪᒃᑯᑎᒍᑦ ᐊᒻᒪᓗ ᐱᓕᕆᖃᑎᒋᔭᖏᓐᓂᒃ ᐃᒡᓗᑭᒃᓴᕐᓂᖅ ᐱᔾᔪᑎᒋᓪᓗᒍ ᓄᓇᕗᒥ.  ᐃᒡᓗᓕᐅᕋᓱᐊᕐᓂᐅᔪᖅ ᓄᑖᓂᒃ 3000-ᓂᒃ ᓄᓇᕗᒥ ᐊᕐᕌᒍᖅ ᐊᓂᒍᓚᐅᖅᑎᓐᓇᒍ 2030.

NCC ᐊᖏᖅᓯᒪᖕᒪᑕ ᐃᒡᓗᓕᐅᕐᓂᕐᒥᒃ ᑎᑭᓪᓗᒍ 2000 ᑖᒃᑯᓇᖓᑦ ᓴᓇᔭᐅᔭᕆᐊᖃᕋᔭᖅᑐᓂᒃ ᐊᒻᒪᓗ ᐱᓕᕆᖃᑕᐅᓪᓚᕆᒃᑐᓂ Igluliuqatigiingniq Nunavut 3000 ᐃᓱᒪᒃᓴᖅᓯᐅᑦᑎᐊᖅᓯᒪᔪᒃᑯᑦ ᐸᕐᓇᐅᑎᓕᐊᕆᔭᐅᓯᒪᔪᒥ.  ᐃᓗᐊᓃᒃᑭᕗᑦ ᑕᒫᓂᒐᓚᖃᐃ 200 ᐃᒡᓗᖃᕈᑕᐅᖃᑦᑕᕋᔭᖅᑐᑦ ᓇᔪᒐᖃᖁᓪᓗᒋᑦ ᐃᒡᓖᑦ, 925 ᐃᒡᓗᓕᕆᔨᒃᑯᑎᒍᑦ ᐃᒡᓗᑦ, 600 ᐊᑭᑐᓗᐊᖏᓐᓂᖅᓴᐅᓇᓱᒃᑐᑦ ᐃᒡᓗᑦ, ᐊᒻᒪᓗ 275 ᑕᖅᑳᓂ ᐃᓱᒪᖅᓲᑕᐅᓗᑎᒃ ᐃᒡᓗᓕᐊᖑᒐᔭᖅᑐᑦ.

ᐃᓄᖕᓄᑦ ᓇᖕᒥᓂᖁᑎᒋᔭᐅᓪᓗᓂ, ᓄᓇᕗᒥ ᐃᓂᖃᖅᑑᓪᓗᓂ ᐱᓕᕆᕕᒃ, NCC ᐊᖏᖅᓯᒪᓂᖃᕆᕗᑦ ᐃᖅᑲᓇᐃᔭᖅᑎᑦᑎᒐᔭᕐᓂᕐᒥᒃ ᐃᓄᖕᓂᒃ ᓄᓇᕗᒥᐅᓂᓗ ᐊᔪᙱᑕᒥᒍᑦ.  ᑭᓯᐊᓂᓕ, ᑕᒪᓐᓇ ᑲᔪᓯᑦᑎᐊᖁᓪᓗᒍ ᐊᔪᖏᑦᑎᐊᖅᑐᓂᒃ ᓴᓇᔨᓪᓚᕆᖕᓂᑦ ᐊᑐᐃᓐᓇᐅᔭᕆᐊᓕᖕᓂ ᐱᔭᕆᐊᖃᕐᒥᒐᑦᑕ ᐃᖅᑲᓇᐃᔭᖅᑎᓪᓗᒋᓪᓗ NCC ᑖᒃᑯᐊ ᐃᒡᓗᒃᓴᐃᑦ ᓄᓇᕗᒥ 3000 ᐱᓇᓱᒃᑕᖓ ᑖᒃᑯᐊᓗ ᐊᓯᖏᑦ ᐊᖏᕈᑕᐅᓯᒪᔪᑦ ᐱᔨᑦᓯᕋᕈᑎᓄᑦ ᐱᑕᖃᐅᕆᐊᔩᑦ ᓄᓇᕗᒥ ᓴᓇᔭᐅᔭᕆᐊᖃᕐᒥᖕᒪᑕ, NCC ᐊᓱᐃᓛᒃ ᐱᓕᕆᔨᒃᓴᖅᓯᐅᕐᓂᕐᒥᒃ ᑐᕌᒐᖃᓪᓚᕆᖕᓂᕐᒥᒃ ᐊᐅᓚᔾᔭᕆᐊᕈᑎᖃᓕᖅᓯᒪᕗᑦ.

ᐱᓕᕆᔨᒃᓴᖅᓯᐅᕐᓂᖅ ᐃᓕᓐᓂᐊᑎᑦᓯᓂᕐᓗ ᓴᓇᔨᒃᓴᕈᕋᔭᖅᑐᓄᑦ ᐅᓪᓗᒥᒧᑦ ᓄᓇᕗᒥ ᐊᑐᖅᑕᐅᓯᒪᕗᖅ ᐅᑯᓇᓂ ᓄᓇᓕᖕᓂ: ᐃᖃᓗᐃᑦ, ᑲᖏᖅᖠᓂᖅ, ᐊᕐᕕᐊᑦ, ᖃᒪᓂ’ᑐᐊᖅ, ᐃᖃᓗᒃᑑᑦᓯᐊᖅ, ᑕᓗᕐᔪᐊᖅ, ᐅᖅᓱᖅᑑᖅ ᐊᒻᒪᓗ ᐃᒃᐱᐊᕐᔪᖕᒥ, ᐊᓯᖏᓐᓂᓗ ᓄᓇᓕᐸᐅᔭᐅᔪᓂ ᓲᕐᓗ ᓴᐃᓐᑦ ᔭᓐᔅ ᓂᐅᕙᓐᓛᓐ, ᕼᐊᓕᕚᒃᓯᒥ ᓄᕙ ᓯᑲᐅᓯᐊ ᐊᒻᒪᓗ ᒪᖕᑕᓐ ᓂᐅᐳᕋᓐᓯᕕᒃᒥ.  ᐱᓇᓱᐊᕈᓯᕐᓂ ᐊᒡᒋᖅᑐᓂ, NCC ᑲᔪᓯᓂᐊᖅᐳᑦ ᐱᓕᕆᔨᒃᓴᖅᓯᐅᕐᓂᕐᒥᓂ ᐅᑎᕐᕕᒋᓗᒋᑦ ᑎᓴᒪᐅᔪᖅᑐᑦ ᓄᓇᓖᑦ Igluliuqatigiingniq Nunavut 3000 (ᐃᖃᓗᐃᑦ, ᐃᒃᐱᐊᕐᔪᒃ ᔪᓂ 20 ᐊᒻᒪ 21; ᑲᖏᖅᖠᓂᖅ, ᐊᕐᕕᐊᑦ ᐊᒻᒪᓗ ᖃᒪᓂ’ᑐᐊᖅ ᔪᓚᐃ 8-13ᒥ; ᐃᖃᓗᒃᑑᑦᓯᐊᖅ, ᑕᓗᕐᔪᐊᖅ ᐅᖅᓱᖅᑑᕐᓗ ᔪᓚᐃ ᓄᕐᖑᐊᓂ) ᐊᒻᒪᓗ ᐊᓐᑎᐅᕆᔪᒧᑦ, ᒪᓂᑐᐸᒧᑦ ᐊᓪᐴᑕᒧᓗ.  ᑖᒃᑯᐊ ᓂᕈᐊᖅᑕᐅᓚᐅᕐᒪᑕ ᐊᑐᐃᓐᓇᖃᕐᓂᖏᓐᓄᑦ ᐱᓕᕆᓕᒪᔪᓂᒃ ᐊᔪᖏᑦᑐᓂᓗ ᐊᐅᓚᓂᕆᔭᑦᑎᓐᓄᑦ ᑲᔪᓯᑎᑦᑎᔪᓐᓇᖅᑐᓂᒃ.  ᐊᒻᒪᓗᑦᑕᐅᖅ, ᐱᓕᕆᔨᒃᓴᖅᓯᐅᕐᓂᖅ ᑕᖅᑳᓂ ᐊᑐᖅᑕᐅᕗᖅ ᐃᓄᐃᑦ ᓇᒥᑐᐃᓐᓈᖅᑐᑦ ᐱᓕᕆᔪᒪᓐᓂᖅᐸᑕ ᒪᑐᐃᖓᕕᐅᑦᑎᐊᖁᓪᓗᒋᑦ ᑐᖕᒐᓱᕕᖕᒐᑦ ᐃᓄᐊᑦ ᐊᑐᕚᒥ ᐃᑲᔪᖅᓱᖅᑕᐅᓪᓗᑎᒡᓗ ᒫᓂᑑᐸᒥ ᐃᓄᐃᑦ ᑲᑐᔾᔨᖃᑎᒌᖏᑦ ᐅᐃᓂᐸᐃᒃᒥ.

NCC ᐃᓂᓪᓚᒃᑲᓐᓂᕈᒪᔾᔪᑎᖃᖅᐳᑦ ᓄᓇᕗᒥ ᐃᒡᓗᑭᒃᓴᕐᓂᐅᕙᒃᑐᒥ ᖃᓄᖅ ᐃᑲᔪᕈᑎᖃᕈᓐᓇᕐᒪᖔᕐᒥᓂᒃ ᐊᒻᒪᓗ ᐃᖅᑲᓇᐃᔭᖅᑎᑦᑎᒃᑲᓐᓂᕈᓐᓇᕐᒪᖔᕐᒥᓂᒃ ᓄᓇᕗᒻᒥᐅᓄᑦ.  ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᕆᔨᑖᕋᓱᖕᓂᕆᔭᑦᑎᓐᓂᒃ ᖃᓄᐃᓕᐅᖅᑎᑦᑎᓂᕆᔭᑦᑎᓐᓂᓗ, ᐱᓇᓱᒍᑎᓂᒃ ᐊᐅᓪᓚᖅᑎᑦᑎᔪᓐᓇᖅᐳᑎ, ᐅᓇ ᐊᖅᑯᑎᒋᓗᒍ https://www.nccig.ca/iu/ᐱᓕᕆᔨᒃᓴᖅᓯᐅᖅᑐᒍᑦ/

-30-

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᑐᕌᕐᓗᑎᒃ: [email protected]