NCC−ᑯᑦ ᑎᒥᙳᖅᑎᑕᐅᓚᐅᖅᓯᒪᔪᑦ 1995−ᒥ ᓴᓇᖃᑦᑕᕐᓂᐊᕐᓗᑎᒃ, ᓇᒻᒥᓂᖃᕐᓗᑎᒃ ᐊᑐᖅᑐᐊᑎᑦᓯᓗᑎᓪᓗ ᑮᓇᐅᔭᓕᐅᕋᓱᐊᕐᕕᓐᓂᒃ ᐊᖏᕐᕋᕆᔭᐅᔪᓄᓪᓗ ᐋᖅᑭᐅᒪᔾᔪᑎᓂᒃ ᐱᔭᕆᐊᓕᖏᓐᓂᒃ ᒐᕙᒪᒃᑯᖏᑦᑕ ᕗᓇᕗᑦ ᐃᓚᒋᔭᐅᓪᓗᓂ ᓴᖅᑭᕋᑖᖑᓂᖓᓄᑦ ᓄᑖᖑᓪᓗᓂ ᑲᓇᑕᒥ ᐊᕕᑦᑐᖅᓯᒪᓂᖅ. ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑏᑦ, ᐊᖏᕈᑕᐅᓚᐅᖅᓯᒪᔪᑦ 1993−ᒥ, ᐱᖃᓯᐅᔾᔨᓯᒪᒻᒪᑕ ᑐᓂᒪᓂᖃᕐᓂᕐᒥᒃ ᓴᖅᑮᓂᕐᒧᑦ ᐃᒻᒥᒃᑯᑦ ᐊᕕᑦᑐᖅᓯᒪᓂᕐᒥᒃ. ᑭᖑᕐᖓᒍᑦ ᒐᕙᒪᑐᖃᒃᑯᓐᓂ ᐱᖁᔭᖅ ᑲᔪᓯᑎᑕᐅᓚᐅᖅᓯᒪᔪᖅ ᓄᓇᕗᒻᒧᑦ ᒪᓕᒐᕐᔪᐊᖑᑦᓱᓂ, ᐱᕕᖃᖅᑎᑕᐅᓕᖅᓱᓂ ᓄᑖᖅ ᐊᕕᑦᑐᖅᓯᒪᓂᐅᔪᖅ ᐊᒻᒪᓗ ᓄᑖᑦ ᒐᕙᒪᖏᑦ ᓄᓇᕗᑦ ᐊᑐᓕᖅᑕᐅᒍᒫᕐᓂᐊᓕᖅᓱᑎᒃ ᐄᑉᐳᕉ 1, 1999. ᑖᑦ ᓄᓇᕗᒻᒥ ᒐᕙᒪᐅᔪᑦ ᐋᖅᑭᐅᒪᔾᔪᑎᓂᒃ ᐱᔭᕆᐊᖃᖅᓯᒪᒻᒪᑕ ᐊᓚᕕᓐᓂᒃ, ᒪᓕᒐᓕᐅᕐᕕᒻᒥᒃ ᐃᖅᑲᓇᐃᔭᖅᑎᓄᓪᓗ ᐊᖏᕐᕋᕐᓂᖅ. ᓯᐊᒻᒪᖅᑎᖅᑕᐅᓯᒪᓂᖓ ᒐᕙᒪᐅᔪᑦ ᐊᖏᓪᓕᒋᐊᕈᑕᐅᑦᓱᓂ ᑖᒃᑯᓄᖓ ᐱᔭᕆᐊᓕᓐᓄᑦ. ᐃᓄᐃᑦ ᓯᕗᓕᕐᓂᖏᑦᑎᒍᑦ, ᓄᓇᕗᑦ ᑐᙵᕕᒃᑯᑎᒍᑦ, ᐃᓕᑕᖅᓯᓯᒪᒻᒪᑕ ᑖᒃᑯᐊ ᐋᖅᑭᐅᒪᔾᔪᑏᑦ ᐃᓗᓕᖃᕆᐊᖏᑦ ᐊᓚᒡᒐᐃᑦᑐᒻᒪᕆᓐᓂᒃ ᑮᓇᐅᔭᓕᐅᕋᓱᐊᕈᑎᑦᓴᓂᒃ ᐃᓄᐃᑦ ᓄᓇᑖᖃᑕᐅᔪᑦ ᑎᒥᖁᑎᖏᓐᓄᑦ ᐊᒥᓱᓂᓪᓗ ᐱᓇᓱᐊᕋᑦᓴᖅᑕᖃᓕᖅᓱᓂ ᐆᒻᒪᕆᐊᕈᑎᑦᓴᓂᒃ ᓄᓇᕗᒻᒥ ᖃᑭᒪᓇᓱᐊᕐᓂᕐᒧᑦ. ᑭᖑᕐᖓᒍᑦ “ᑲᑐᔾᔨᖃᑎᒌᓐᓂᕐᒧᑦ ᐋᖅᑮᓂᐅᑉ” ᐊᐅᕙᖃᑎᒌᓐᓂᒃᑯᑦ, ᐊᖏᖃᑎᒌᒻᒪᑕ NCC−ᑯᑦ ᓴᖅᑭᖅᑕᐅᓚᐅᖅᓯᒪᔪᑦ ᐃᒻᒥᒃᑯᑦ ᑎᒥᐅᓗᑎᒃ ᐊᖅᑯᑕᐅᓂᐊᖅᑎᓪᓗᒋᑦ ᐃᓄᓐᓄᑦ ᖃᑭᒪᓇᓱᐊᕈᑎᑦᓴᓄᑦ. ᓯᑕᒪᑦ ᐃᓄᐃᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᖏᑦ ᓄᓇᕗᒻᒥ ᓇᒻᒥᓂᖃᓕᖅᓱᑎᒃ NCC−ᑯᓐᓂᒃ.

ᒐᕙᒪᒃᑯᑦ ᓄᓴᕗᒻᒥ ᓇᑉᐸᕆᐊᓕᓐᓄᑦ ᐊᐅᓚᓂᖓᑦ ᐱᖃᓯᐅᔾᔨᓯᒪᔪᖅ 10-ᓂᒃ ᐊᓪᓚᕕᓐᓂᒃ ᖁᓕᓐᓂ ᓇᒥᑐᐃᓐᓇᖅ ᓄᓇᓕᓐᓂ ᐃᓂᖃᑦᓯᐊᖁᔭᐅᓪᓗᑎᒃ ᓯᐊᒻᒪᖅᑎᖅᓯᒪᔪᖅ ᐋᖅᑭᖅᓯᒪᓂᖓᑦ ᒐᕙᒪᒃᑯᑦ. ᐃᖃᓗᓐᓂ ᐱᖃᓯᐅᔾᔨᔪᑦ ᐃᓪᓗᓂ ᒪᓕᒐᓕᐅᕐᕕᒃ. 250 ᐃᖅᑲᓇᐃᔭᖅᑏᑦ ᐃᓪᓗᖏᑦ ᐃᓕᐅᖅᑲᖅᑕᐅᔪᔪᑦ 11−ᓄᑦ ᓄᓇᓕᓐᓄᑦ ᐊᔾᔨᒌᙱᑦᑐᓄᑦ, ᓈᒻᒪᓈᕆᐊᖅᓯᒪᑦᓱᑎᒃ ᐊᕕᑦᑐᖅᓯᒪᔪᓂ ᐊᓪᓚᕕᒻᒪᕆᖃᕐᕕᓐᓄᑦ. 1999−ᖑᑎᓪᓗᒍ, ᑎᒥᙳᖅᑎᑦᓯᓚᐅᖅᓯᒪᔪᒍᑦ ᒪᕐᕉᓐᓂᒃ − NCC Properties Limited ᐊᒻᒪᓗ NCC Development Limited – ᐊᐅᓚᑦᓯᓂᐊᖅᓱᑕ ᓴᓇᓗᑕᓗ ᐱᓪᓚᕆᓐᓅᖓᔪᓂᒃ ᓇᒻᒥᓂᐅᔪᓂᒃ ᐊᒻᒪᓗ ᐊᑐᐃᓐᓇᐅᑎᑦᓯᓂᖅ ᐱᖓᔪᒋᔭᐅᔪᓂᒃ ᓴᓇᓂᕐᒧᑦ ᐱᔨᑦᓯᕋᐅᑎᓂᒃ. ᑐᓂᒪᓂᖃᖅᑐᒍᑦ ᐃᓄᓐᓂᒃ ᐃᓚᐅᑎᑦᓯᓂᕐᒧᑦ ᐃᖅᑲᓇᐃᔮᓄᑦ ᑳᑦᑐᓛᓄᓪ.

2001−ᒥ, NCC−ᑯᑦ ᐱᔭᕇᓚᐅᖅᓯᒪᔪᑦ ᐃᓪᓗᓂᒃ ᐊᑭᖃᓪᓗᐊᖅᑐᓂᒃ $160−ᒥᓕᐊᓐ ᐊᑐᖅᑐᐊᖅᑕᐅᓂᐊᖅᑎᓪᓗᒋᑦ ᒐᕙᒪᒃᑯᖏᓐᓄᑦ ᓄᓇᕗᑦ.

2008−ᒥ, NCC−ᑯᑦ ᐱᔭᕇᔪᔪᑦ ᐃᓄᒃᓱᒐᐃᑦ ᐃᓪᓗᒥᒃ, ᐊᖏᕐᕋᐅᓪᓗᓂ ᑮᓇᐅᔭᓕᐅᕋᓱᐊᕐᕕᐅᓪᓗᓂ ᐊᑭᖃᓪᓗᐊᖅᑐᖅ $40−ᒥᓕᐊᓐᓂᒃ.

ᔫᓂ 2, 2011−ᖑᑎᓪᓗᒍ ᐊᑐᖅᑐᐊᕐᕕᒃ ᑯᐊᐳᕇᓴᒃᑯᑦ ᐊᒻᒪᓗ NCC Properties Limited−ᑯᑦ ᐃᑎᓚᐅᖅᓯᒪᔪᑦ ᑲᑐᔾᔨᖃᑎᒌᓐᓂᕐᒧᑦ ᑎᑎᕋᖅᑕᐅᓯᒪᑦᓱᑎᒃ ᐊᑖᓂ ᓄᓇᕗᒻᒥ ᑲᑐᔾᔨᖃᑎᒌᓐᓂᕐᒧᑦ ᒪᓕᒐᕐᔪᐊᑉ. NCC/AC Industrial Park L.P. ᓯᕐᓗᐊᖅ ᓱᓇᒃᑯᑖᒃᑯᕕᑦ ᓴᓇᔭᐅᓚᐅᖅᓯᒪᔪᖅ ᐱᖓᓱᓂᒃ ᐊᐅᓚᓂᖃᖅᓱᓂ ᐊᑯᕐᖓᓐᓂ 2011 ᐊᒻᒪᓗ 2013 ᑲᑎᑦᑕᐃᓐᓇᕆᑦᓱᒍ ᐊᖏᓂᖃᖅᓱᓂ 25,500 ᑭᑉᐹᕆᑦᑐᑦ ᐃᑎᒐᓪᓗᐊᑦ.
ᔪᓚᐃ 1, 2017−ᖑᑎᓪᓗᒍ, NCC ᐊᒻᒪᓗ ᒐᕙᒪᒃᑯᖏᑦ ᓄᓇᕗᑦ ᐃᑎᓚᐅᖅᓯᒪᔪᑦ ᐊᑐᖅᑐᐊᕐᓂᕐᒧᑦ ᓇᒻᒥᓂᖅᑖᕆᕙᓪᓕᐊᓗᒍ ᐊᖏᖃᑎᒌᒍᑎᒧᑦ ᖁᓕᓐᓄᑦ ᐊᓪᓚᕕᓐᓄᑦ ᐃᓪᓗᓄᑦ. ᑐᙵᕕᐅᑦᓱᓂ ᑖᓐᓇ ᐊᑐᖅᑐᐊᕐᓂᖅ ᓇᒻᒥᓂᖅᑖᖅᐸᓪᓕᐊᓗᓂ ᐊᖏᖃᑎᒌᒍᑎ, ᒐᕙᒪᒃᑯᑦ ᓄᓇᕗᑦ ᑕᖅᑭᑕᒫᑦ ᐊᑭᓕᖅᑐᐃᕙᓐᓂᐊᖅᑐᑦ ᐊᑐᖅᑐᐊᕈᑎᓂᒃ ᐊᕐᕌᒍᓄᑦ ᖁᓕᓄᑦ ᑭᖑᕐᖓᒍᑦ ᐃᓱᓕᓐᓂᖓᑕ ᐊᕐᕌᒍᓂᒃ 20−ᓂᒃ ᐊᑐᖅᑐᐊᕈᑏᑦ ᐃᓱᓕᑉᐸᑦ ᐊᕐᕉᒍᓂᒃ ᖁᓕᒃ ᐊᑐᖅᑐᐊᕐᓂᖓᑦ, ᒐᕙᒪᒃᑯᑦ ᓄᓇᕗᒻᒥ ᓇᒻᒥᓂᖃᓕᕐᓂᐊᖅᑐᑦ ᖁᓕᓂᒃ ᐊᓪᓚᕝᕕᐅᔪᓂᒃ.

ᓅᕙᐃᕝᕙ 1, 2019, Qikiqtaaluk Properties Inc. ᐊᒻᒪᓗ NCC Properties Limited ᐃᑎᖃᑎᒌᔪᔫᒃ ᑲᑐᔾᔨᖃᑎᒌᓐᓂᕐᒧᑦ ᑎᑎᕋᖅᑕᐅᑦᓱᑎᒃ ᐊᑖᓂ ᓄᓇᕗᒻᒥ ᑲᑐᔾᔨᖃᑎᒌᓐᓂᕐᒧᑦ ᒪᓕᒐᔪᐊᑉ. QPI/NCCP Plateau Development L.P. ᓴᖅᑭᑕᐅᔪᔪᑦ ᐱᔾᔪᑕᐅᑦᓱᓂ ᐱᕙᓪᓕᐊᑎᑦᓯᓂᕐᓗ ᐊᒻᒪᓗ ᓴᓇᓂᖅ ᓱᓇᑐᐃᓐᓇᕐᓄᑦ ᐊᑐᕋᑦᓴᓂᒃ ᑮᓇᐅᔭᓕᐅᕋᓱᐊᕐᕕᓐᓂᒃ ᐊᖏᕐᕋᕆᔭᐅᔪᓂᓪᓗ ᐊᑉᐸᓯᑦᑐᒥ ᐃᖃᓗᓐᓂ. ᐃᓚᖓᑦ ᓄᑖᖅ ᐃᓪᓗ, ᒫᓐᓇ ᓴᓇᔭᐅᕙᓪᓕᐊᔪᖅ ᓂᕆᐅᒋᔭᐅᔪᖅ ᐱᔭᕇᕋᔭᕆᐊᖓ ᐱᒋᐊᕋᑖᖅᑎᓪᓗᒍ 2022, ᐃᓂᒋᔭᐅᓂᐊᖅᓱᓂ NCC−ᑯᓐᓄᑦ ᓄᑖᖑᓗᓂ ᐊᓪᓚᕕᒻᒪᕆᒋᔭᐅᓗᓂ ᑎᒥᐅᔪᒧᑦ.

ᓅᕙᐃᕝᕙ 2021−ᖑᑎᓪᓗᒍ, NCC Properties Limited ᒪᑐᓯᔪᔪᖅ ᓂᐅᕕᖅᑕᐅᓂᖏᓐᓂᒃ 126 ᐊᖏᕐᕋᐅᔪᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ ᑖᒃᑯᐊ ᐃᓪᓗᐃᑦ ᐃᓚᒋᔭᐅᔪᔪᑦ ᓴᓇᔭᐅᒋᐊᙵᖅᓯᒪᔪᓄᑦ 250−ᓄᑦ ᐊᖏᕐᕋᕆᔭᐅᔪᓄᑦ ᓴᓇᔭᐅᓯᒪᔪᓄᑦ NCC−ᑯᓐᓄᑦ 1998-ᒥᒃ 2000−ᒧᓄᑦ ᓈᒻᒪᓈᕆᐊᖅᓱᑎᒃ ᐃᖅᑲᓇᐃᔭᖅᑏᑦ ᐃᓪᓗᖃᕆᐊᖃᕐᓂᖏᓐᓄᑦ ᑖᒃᑯᓇᓂ ᓄᑖᕐᓂ ᒐᕙᒪᕈᕋᑖᖑᔪᓂ ᓄᓇᕗᒻᒧᑦ.

ᐱᒋᐊᙵᓚᐅᖅᓯᒪᒻᒪᑕᑎᓂᑦ, NCC−ᑯᑦ ᐃᒪᐃᑦᓯᒪᔪᑦ: ᐃᖅᑲᓇᐃᔭᖅᑎᖃᖅᓯᒪᔪᑦ ᐅᖓᑖᓂ 250 ᐃᓄᓐᓂᒃ ᓄᓇᑖᖃᑕᐅᓯᒪᔪᓂᒃ; ᑎᑎᕋᖅᑕᐅᓯᒪᔪᑦ ᐅᖓᑖᓄᑦ 100,000 ᐃᑲᕐᕋᐃᑦ ᐃᓕᓐᓂᐊᓈᑦ ᐃᖅᑲᓇᐃᔭᖅᓯᓐᓈᑦ; ᐃᑲᔪᖅᑐᐃᖃᑦᑕᖅᓯᒪᔪᑦ ᐃᓄᓐᓂᒃ ᓂᐅᕕᕐᕕᑦᓴᓂᒃ, ᑳᑦᑐᓛᑦᑎᕋᓛᓂᒃ ᖃᐅᔨᒪᔪᒻᒪᕆᓐᓂᓪᓗ; ᐃᑲᔪᖅᓯᓯᒪᔪᑦ ᓄᓇᕗᒻᒥᒃ ᐊᑐᐃᓐᓇᐅᑎᑦᓯᓂᒃᑯᑦ ᑎᒥᐅᔪᒥᒃ ᑎᒍᒥᐊᕈᓐᓇᖅᑐᒥᒃ; ᐊᑭᓖᓯᒪᑦᓱᑎᓪᓗ ᐱᕈᖅᑎᑕᐅᓯᒪᔪᓂᒃ ᓇᒻᒥᓂᖃᖅᑐᖁᑎᑦᑎᓐᓄᑦ.


ᑲᔪᓯᓯᒪᐃᓐᓇᖅᐳᒍᑦ ᐱᓕᕆᖃᑎᖃᖅᓱᑕ ᑲᑐᔾᔨᖃᑎᒋᔭᑦᑎᓐᓂᒃ ᓇᒻᒥᓂᖃᖅᑐᖁᑎᑦᑎᓐᓂᒃ. ᐱᖃᑕᐅᕙᑉᐳᒍᑦ ᑲᔪᓯᒍᓐᓇᖅᑐᓂᒃ ᐱᕙᓪᓕᐊᑎᑦᓯᓂᒃᑯᑦ, ᐃᖅᑲᓇᐃᔭᖅᑎᑦᓯᑦᓱᑕ ᐃᓄᓐᓂᒃ ᐃᖅᑲᓇᐃᔭᖅᑐᓂᒃ ᐊᒻᒪᓗ ᑳᑦᑐᓛᑦᑎᓂᒃ. . ᑮᓇᐅᔭᓕᐅᕈᓐᓇᖅᑎᐸᑦᑕᕗᑦ ᓇᒻᒥᓂᖃᖅᑐᖁᑎᕗᑦ, ᐃᖅᑲᓇᐃᔭᖅᑎᖁᑎᕗᑦ, ᐊᒻᒪᓗ ᓂᐅᕕᕐᕕᒋᕙᑦᑕᕗᑦ. ᐃᑲᔪᖅᑐᒍ ᐱᕈᖅᐸᓪᓕᐊᓂᖓᓄᑦ ᓄᓇᕗᑦ. . ᐃᑲᔪᖅᑐᒍ ᐱᕈᖅᐸᓪᓕᐊᓂᖓᓄᑦ ᓄᓇᕗᑦ.

ᓯᕗᓪᓕᐅᑎᔭᕗᑦ NCC−ᑯᓐᓂ ᑮᓇᐅᔭᓕᐅᕋᓱᐊᖅᑎᐅᖃᑎᒌᑦᑐᑎᒍ ᑲᔪᓯᑎᑦᓯᑦᓯᐊᕐᓂᖅ ᑎᒍᒥᐊᖅᑕᑎᓐᓂᒃ ᓇᒻᒥᓂᖃᖅᑐᖁᑎᑦᑎᓐᓄᑦ ᐃᒫᒃ:
  • ᑕᑯᑦᓴᐅᑎᑦᓯᓂᖅ ᓯᕗᓕᕐᓂᕐᒥᒃ ᑎᒥᐅᔪᖅᑎᒍ ᓄᓇᖃᖃᑕᐅᓪᓗᓂ
  • ᓄᓇᕗᒻᒥ ᐃᓚᐅᑎᓐᓂᒃᑯᑦ ᖃᑭᒪᓇᓱᐊᕐᓂᒃᑯᑦ ᐱᓇᓱᐊᕋᑦᓴᓂᒃ ᐱᕚᓪᓕᕈᑕᐅᓗᑎᒃ ᐃᓄᐃᑦ ᐃᓚᐅᑎᓐᓂᖏᓐᓄᑦ
  • ᓴᐳᔾᔨᓂᒃᑯᑦ ᐱᕚᓪᓕᑎᑦᓯᓂᒃᑯᓪᓗ ᐊᑑᑎᖃᕐᓂᖏᓐᓂᒃ ᐱᖁᑎᓪᓗᐊᑕᕗᑦ, ᐱᓪᓚᕆᓐᓂᒃ ᓇᒻᒥᓂᖃᕐᓂᕗᑦ ᐊᐅᓚᑦᓱᒋᑦ ᐅᓗᕆᐊᓇᖅᑐᑦ
  • ᐊᑦᑐᐊᔪᑦ ᐋᖅᑭᐸᑦᑕᑎᓐᓄᑦ ᐱᓪᓚᕆᓐᓂᒃᑯᑦ ᑲᔪᓯᓂᖃᑦᓯᐊᖅᓱᒃᑯᓪᓗ ᐊᐅᓚᔾᔭᐃᒍᑕᐅᑦᓱᓂ ᐊᑦᓱᐃᓂᕐᒥᒃ ᐊᑭᓖᒍᑎᒋᑦᓱᑎᒍ ᐱᕈᖅᑎᑕᑦᑎᓐᓂᒃ
  • ᐊᑦᓱᐃᓂᕐᒥᒃ ᐊᑭᓖᒍᑎᒋᑦᓱᑎᒍ ᐱᕈᖅᑎᑕᑦᑎᓐᓂᒃ