NCC ᐱᕚᓪᓕᑎᑦᓯᕗᖅ ᐃᓗᐊᓂ ᐃᖅᑲᓇᐃᔭᖅᑎᑖᖅᓱᑎᒃ ᐊᓪᓚᕕᒻᒪᕆᒻᒧᑦ ᐊᖓᔪᖅᑳᕐᒥᒃ.

ᒥᐊᓕ ᕼᐋᓐᓴᓐ−ᐋᑲᕙᒃ

ᒥᐊᓕ ᕼᐋᓐᓴᓐ ᐋᑲᕙᒃ ᐃᓅᓕᖅᓯᒪᔪᖅ ᐱᕈᖅᓴᓯᒪᑦᓱᓂᓗ ᕗᕉᕕᓴ ᕙᐃᒥ, ᓄᓇᑦᓯᐊᕐᒥ (ᒫᓐᓇ ᐃᖃᓗᐃᑦ, ᓄᓇᕗᑦ). ᒥᐅᕆ ᐊᓚᒡᒐᐃᑦᑐᓪᓚᕆᐅᓯᒪᔪᖅ ᐃᖅᑲᓇᐃᔭᖅᓯᑎᐅᑦᓱᓂᓗ NCC−ᑯᓐᓄᑦ 1998−ᒥᓂᑦ.

ᒥᐊᓕ ᐃᖅᑲᓇᐃᔮᒥᓂᒃ ᐱᒋᐊᓚᐅᖅᓯᒪᔪᖅ ᒐᕙᒪᒃᑯᖏᓐᓂ ᓄᓇᑦᓯᐊᑉ ᐃᖃᓗᓐᓂ, ᐃᓗᐊᓐᓂ ᒥᓂᔅᑕᐅᕕᖓᑦᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑭᐅᔭᐅᑦᓱᓂ/ᐊᓪᓚᑎᓂ ᐊᖓᔪᖅᑳᕆᔭᐅᓪᓗᓂ/ᐊᑭᓕᕋᑦᓴᓂᓪᓗ ᑲᒪᔨᐅᑦᓱᓂ. ᑕᐃᑲᙵᑦ, ᐅᐃᒌᒃ ᕿᑐᕐᖓᖏᓪᓗ ᐊᐅᓪᓛᓚᐅᖅᓯᒪᔪᑦ ᔭᓗᓇᐃᒧᑦ, ᓄᓇᑦᓯᐊᕐᒧᑦ 1994-ᒥᒃ 1997−ᒧᓄᑦ ᑕᐃᑲᓂᓗ ᒥᐊᓕ ᐃᖅᑲᓇᐃᔮᖃᓚᐅᖅᓯᒪᑦᓱᓂ ᒥᓂᔅᑕᐅᕕᖓᓐᓂᒃ ᐊᓪᓚᓅᖓᔪᑦ ᐅᑭᐅᖅᑕᖅᑐᒨᖓᔪᓪᓗ ᐊᐅᓚᓂᐅᔪᑦ ᑲᓇᑕᒥ. ᑕᐃᑲᙵᑦ ᐃᖅᑲᓇᐃᔮᖅᑖᓕᓚᐅᖅᓯᒪᒻᒥᔪᖅ ᑮᓇᐅᔭᓕᕆᔨᒃᑯᓐᓂ ᑮᓇᐅᔭᓕᕆᓂᕐᒧᑦ ᐃᓕᓐᓂᐊᖅᑎᑕᐅᑦᓱᓂ ᐊᕐᕌᒎᓐᓂᒃ ᒪᕐᕉᓐᓂᒃ ᐊᓪᓚᐃᑦ / ᐃᓄᐃᑦ ᐃᖅᑲᓇᐃᔮᑦᓴᖅᓯᐅᕐᓂᒧᑦ ᐱᕙᓪᓕᐊᑎᑦᓯᓂᕐᒧᑦ ᑲᓇᑕᒥ ᐊᐅᓚᓂᐅᔪᒧᑦ.

ᐅᑎᕋᒥᒃ ᐃᖃᓗᓐᓄᑦ 1997−ᒥ, ᒥᐊᓕ ᐃᖅᑲᓇᐃᔭᓯᓚᐅᖅᓯᒪᔪᖅ ᕿᑭᖅᑖᓗᒃ ᑯᐊᐳᕇᓴᓐᑯᓐᓄᑦ ᐃᑲᔪᖅᓱᓂ ᐱᒋᐊᖅᑎᑕᐅᕙᓪᓕᐊᑎᓪᓗᒍ ᐅᑎᖅᑎᑕᐅᕙᓪᓕᐊᓂᖓ ᑐᔾᔮᓂ ᓴᓗᒻᒪᓴᖅᑕᐅᑦᓱᓂ ᑕᖅᑭᓄᑦ 6-ᓄᑦ 1998−ᒥ ᐃᖅᑲᓇᐃᔭᖅᑎᓴᖅᓯᐅᖅᑎᐅᑦᓱᓂ ᐊᒻᒪᓗ ᓂᐅᕕᐊᖑᒋᐊᓕᓐᓂᒃ ᑲᒪᔨᐅᑦᓱᓂ. ᐃᖅᑲᓇᐃᔮᖓ ᐃᓱᓕᒻᒪᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓂ, ᐃᖅᑲᓇᐃᔭᕆᐊᓯᓚᐅᖅᓯᒪᔪᖅ ᓄᓇᕗᒻᒥ ᓴᓇᔩᑦ ᑯᐊᐳᕇᓴᒃᑯᖏᓐᓄᑦ, ᒫᓐᓇ ᑕᐃᔭᐅᕙᓕᖅᑐᑦ NCC Investment Group Inc., ᐅᑦᑑᕝᕙ 5, 1998−ᒥ.

ᒥᐊᓕᐅᑉ ᐃᖅᑲᓇᐃᔮᖓ NCC−ᑯᓐᓂ ᐱᒋᐊᓚᐅᖅᓯᒪᔪᖅ ᐊᑭᓕᑦᓴᓕᕆᔨᐅᑦᓱᓂ. ᖁᕝᕙᕆᐊᖅᑕᐅᑕᖅᑯᖅ ᑮᓇᐅᔭᓕᕆᔨᒧᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᖓᔪᖅᑳᖑᓂᕐᒧᑦ, ᑖᓐᓇᓗ ᓱᓕ ᐅᓪᓗᒥ ᐃᖅᑲᓇᐃᔮᕆᑦᓱᓂᐅᒃ.

ᒥᐊᓕ ᐊᐃᑉᐸᖃᑦᓯᐊᖅᑐᖅ ᐅᐃᒥᓂᒃ ᔨᒥᒥᒃ, ᓄᖅᑲᖓᓕᖅᑐᖅ ᐃᓱᓕᑦᓯᓯᒪᓂᒃᑯᑦ ᐱᖓᓱᓕᒃ ᐸᓖᓯᒃᑯᓐᓂ. ᑖᒃᑯᐊ ᐃᓐᓇᐅᓕᖅᑐᓂᒃ ᐱᖓᓱᓂᒃ ᐸᓂᓖᑦ ᐊᑕᐅᓯᕐᒥᓪᓗ ᐊᕐᓈᐱᒻᒥᒃ ᐃᕐᖑᑕᖃᖅᓱᑎᒃ. ᐃᖅᑲᓇᐃᔭᖅᓯᑕᐅᓂᒃᑯᑦ ᑲᑦᓱᖓᐃᓐᓂᒃᑯᓪᓗ, ᒥᐊᓕᐅᑉ ᑐᕌᒐᕆᔭᖓ ᐃᖅᑲᓇᐃᔮᒥᓂ ᐱᕚᓪᓕᑎᑦᓯᓂᖅ ᓄᓇᕗᒻᒥᐅᓂᒃ ᑭᖑᕚᕆᔭᐅᓂᐊᖅᑐᓂᓪᓗ.

ᒥᐊᓕ ᑲᔾᔮᕆᔭᓕᒃ ᐃᓪᓗᕋᓛᕐᒥᓅᖃᑦᑕᕆᐊᑦᓴᖅ ᖁᕕᐊᒋᔭᖃᖅᓱᓂᓗ ᐃᖃᓪᓕᐊᓂᕐᒥᒃ ᐊᖑᓇᓱᓐᓂᕐᒥᓪᓗ.

ᒪᐃᓖᓇ ᐃᓪᓚᐅᑦ ᒪᓕᓐ

ᒪᐃᓖᓇ ᐃᓅᓕᖅᑐᒥᓂᖅ ᐱᕈᖅᓴᓯᒪᑦᓱᓂᓗ ᓄᓇᕗᒻᒥ ᓄᓇᓕᐸᐅᔭᕐᓂ, ᐃᖃᓗᓐᓂ. ᐊᕐᕌᒍᓂᒃ ᓯᑕᒪᓂᒃ ᐱᓕᒻᒪᓚᐅᖅᓱᓂ ᐊᓪᓚᕝᕕᓕᕆᓂᕐᒥᒃ ᐊᖓᔪᖅᑳᖑᓂᕐᒥᓪᓗ ᓄᓇᓕᓐᓂ ᐃᓄᓐᓄᑦ ᓇᒻᒥᓂᕆᔭᐅᔪᒥᒃ, Carvings Nunavut, ᒪᐃᓖᓇ NCC Development−ᑯᓐᓄᑦ ᐃᖅᑲᓇᐃᔭᓯᔪᔪᖅ ᔮᓐᓄᐊᕆ 2020 ᐃᖅᑲᓇᐃᔭᑲᐃᓐᓇᖃᑦᑕᖅᓱᓂ ᐃᖅᑲᓇᐃᔭᐃᓐᓇᓯᔪᔪᖅ ᓅᕙᐃᕝᕙ 2020 ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑎᐅᓂᕐᒧᑦ.

ᐃᑲᔪᖅᓱᓂ ᑲᒻᐸᓂᐅᔪᒥᒃ ᐊᐅᓚᑦᓯᑎᓪᓗᒋᑦ ᐊᖏᓪᓕᕙᓪᓕᐊᑐᐃᓐᓇᖅᑐᓂᒃ ᐃᖅᑲᓇᐃᔮᑦᓴᓂ, ᒪᐃᓖᓇ ᐱᒻᒪᕆᒻᒥᒃ ᑲᒪᒋᔭᖃᖅᑐᖅ ᖃᐅᔨᓴᖅᓱᓂ ᐊᔾᔨᒌᙱᑦᑐᑦ ᐊᓪᓚᕕᒻᒥ ᑲᒪᒋᒋᐊᓕᓐᓂᒃ NCC−ᑯᑦ ᓴᓇᒋᐊᓕᓐᓄᑦ ᐊᐅᓚᓂᖏᓐᓄᑦ ᐱᔭᕇᖅᑕᐅᕙᑦᓱᑎᒃ ᑭᖑᕙᐅᖅᑲᒐᑎᒃ ᓈᒻᒪᓈᖅᓯᒪᑦᓯᐊᖅᓱᑎᒃ.

ᒪᐃᓖᓇ ᐱᕈᖅᐸᓪᓕᐊᖃᑎᖃᕈᒪᔪᖅ NCC Development−ᑯᓐᓂᒃ ᓯᕗᓂᑦᑎᓐᓂ ᐃᑲᔪᖅᑐᐃᓗᓂ ᓄᓇᕗᒻᒥᒃ.

ᐃᖅᑲᓇᐃᔮᖓᑕ ᓯᓚᑖᒍᑦ, ᒪᐃᓖᓇ ᖁᕕᐊᒋᔭᖃᖅᐳᖅ ᕼᐋᑭᕆᐊᑦᓴᖅ, ᓇᓪᓕᒋᔭᒥᓂᒃ ᑲᑎᒪᑦᓯᒋᐊᑦᓴᖅ, ᐊᒻᒪᓗ ᒥᖅᓱᕆᐊᑦᓴᖅ.

ᒍᐊᕐᑕᓐ ᑳᒻᕕᐅᓪ

ᒍᐊᕐᑦ ᐃᖃᓗᓐᓄᑦ ᓄᑦᑎᓚᐅᖅᓯᒪᔪᖅ ᓯᑦᑕᕝᕙ 2009-ᖑᑎᓪᓗᒍ ᐃᖅᑲᓇᐃᔭᓯᑦᓱᓂ NCC Development−ᑯᓐᓄᑦ, ᕿᔪᓕᕆᔨᐅᑦᓱᓂ ᐊᕐᕌᒍᓂᒃ ᓯᑕᒪᓂᒃ. NCC Development−ᑯᓐᓂ ᐊᖓᔪᖅᑳᕕᕈᓚᐅᖅᓯᒪᔪᖅ ᖃᓄᐃᑦᑐᑐᐃᓐᓇᕐᓄᑦ ᒥᑭᔫᑕᐅᓂᖅᓴᓄᖅ ᐃᖅᑲᓇᐃᔮᖑᒋᐊᓕᓐᓄᑦ ᒪᑭᒪᒋᐊᓕᓐᓄᓪᓗ ᐃᖃᓗᐃᑦ ᐃᓗᐊᓐᓂ. ᐊᖓᔪᖅᑳᕕᐅᑦᓱᓂ, ᒍᐊᕐᑦ ᑎᒋᒥᐊᖅᑐᖅ ᑐᑭᒧᐊᑦᑎᑦᓯᓂᕐᒥᒃ ᐊᐅᓚᑦᓯᓂᕐᒥᓪᓗ ᐊᒥᓱᓂᒃ ᐃᖅᑲᓇᐃᔮᓂᒃ ᑲᒪᒋᔭᖃᒻᒪᕆᒻᒥᑦᓱᓂ ᖃᐅᔨᓴᑦᓯᐊᕐᓂᕐᒥᒃ ᐊᐅᓚᓂᐅᔪᑦ ᐱᔭᕇᕋᓗᐊᕐᒪᖔᑕ ᑭᖑᕙᐅᖅᑲᖏᓪᓗᑎᒃ ᑮᓇᐅᔭᖅᑑᑎᑦᓴᐃᓪᓗ ᒪᓕᓪᓗᒋᑦ.

ᔨᐅᕈᓪᑦ ᒫᓂᖕ

ᔨᐅᕈᓪᑦ ᓄᓇᖃᖅᓯᒪᔪᖅ ᐃᖅᑲᓇᐃᔭᖅᓱᓂᓗ ᐃᖃᓗᓐᓂ ᐊᕐᕌᒍᓂᒃ 9-ᓂᒃ ᐊᓂᒍᖅᑐᓂᒃ. ᔨᐅᕈᓪᑦ ᐃᖅᑲᓇᐃᔭᓯᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᐊᑯᓐᓈᕿᒥ ᓴᓇᒋᐊᕆᐊᓕᓐᓄᑦ ᓴᓇᔭᑦᓴᓄᓪᓗ ᑲᒻᐸᓂᐅᔪᒧᑦ ᐊᖓᔪᖅᑳᕆᔭᐅᓪᓗᓂ/ᐊᐅᓚᓂᐅᔪᓄᑦ. ᔨᐅᕈᓪᑦ ᐃᖅᑲᓇᐃᔭᓚᐅᖅᓯᒪᒻᒥᔪᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᖏᓐᓂ ᑎᑭᓵᕆᒋᐊᓕᓐᓂᒃ ᑲᒪᔨᐅᑦᓱᓂ ᐊᒻᒪᓗ ᒐᕙᒪᒃᑯᖏᓐᓂ ᓄᓇᕗᑦ ᐱᖁᑎᒋᔭᐅᔪᓂᒃ ᐊᐅᓚᑦᓯᔨᓂᒃ ᐃᓪᓗᓄᑦ ᐊᖓᔪᖅᑳᕆᔭᐅᓪᓗᓂ.

ᔨᐅᕈᓪᑦ ᐃᓚᒋᔭᐅᓕᓚᐅᖅᓯᒪᔪᖅ NCC Development Limited−ᑯᓐᓄᑦ 2019−ᒥ ᐊᐅᓚᓂᐅᔪᓄᑦ ᐊᖓᔪᖅᑳᖑᓪᓗᓂ. ᔨᐅᕈᓪᑦ ᐊᐅᓚᑦᓯᕙᑦᑐᖅ ᖃᐅᑕᒫᑦ ᐊᐅᓚᓂᐅᔪᓂᒃ ᐊᖏᔪᐊᓪᓗᒥ ᓴᓇᒋᐊᓕᓐᓂ ᐊᒻᒪᓗ ᐱᕙᓪᓕᐊᑎᑦᓯᓂᕐᒧᑦ ᐊᐅᓚᓂᐅᔪᓂᒃ ᓄᓇᕗᓕᒫᒥ. ᔨᐅᕈᓪᑦ ᑲᒪᒋᔭᖏᑦ ᐱᒋᐊᕈᑎᖃᖅᓱᓂᒃ ᐊᐅᓚᓂᕐᒥᒃ ᑎᑎᖅᑑᔭᖅᑕᐅᓂᖓᓂᒃ, ᐊᑭᑦᑐᕋᐅᑎᒍᑕᐅᓂᖓᓂᒃ ᐱᔭᕇᖅᑕᐅᓂᖓᓂᓪᓗ, ᑐᕌᒐᖃᖅᓱᑎᒃ ᐊᑐᐃᓐᓇᐅᑎᑦᓯᓂᕐᒧᑦ ᐃᓄᓕᕆᐊᖑᔪᓄᑦ ᐱᐅᔪᒻᒪᕆᓐᓂᒃ ᐊᑭᑐᓗᐊᙱᑦᑐᓂᓪᓗ ᐃᓪᓗᓕᓂᕐᒨᖓᔪᓂᒃ ᑕᑯᑦᓴᐅᑎᑦᓯᓂᐊᖅᑐᓂᒃ ᐅᑭᐅᖅᑕᖅᑑᑉ ᖃᐅᔨᓴᖅᑕᐅᓂᖓᓂᒃ.

ᔨᐅᕈᓪᑦ ᒫᓐᓇ ᐊᓪᓚᑦᑎᒋᔭᐅᔪᖅ ᐱᔭᕆᐊᖅᓴᔪᓄᑦ ᑲᓇᑕᒥ ᓄᓇᕗᒻᒥ ᑲᑎᒪᔨᓄᑦ ᑲᑎᒪᔨᐅᖃᑕᐅᑦᓱᓂᓗ ᐱᔭᕆᐅᖅᓴᔪᓄᑦ ᑲᓇᑕᒥ ᑲᑎᒪᔨᖏᓐᓄᑦ. ᔨᐅᕈᓪᑦ ᓇᕿᑦᑕᐅᑎᓕᒃ ᐊᐅᐸᖅᑐᒥᒃ ᕿᔪᓕᕆᔨᐅᑦᓱᓂ ᐊᒻᒪᓗ ᓄᓇᕗᒻᒥ ᕿᔪᓕᕆᓂᕐᒧᑦ ᑭᒡᒐᖅᑐᐃᔨᐅᑦᓱᓂ ᑲᓇᑕᒥ ᑐᑭᓯᒪᐅᔭᕆᐊᓕᓐᓄᑦ ᑲᑎᒪᔨᕋᓛᓄᑦ ᐊᕐᕌᒍᑕᒫᓪᓗ ᐱᔭᕆᐅᖅᓴᓯᒪᔪᑦ ᐊᑑᑎᕙᑦᑕᖏᑦ ᑲᓇᑕᒥ ᓵᓚᖃᕋᓱᐊᖅᓱᑎᒃ. ᔨᐅᕈᓪᑦ ᑐᕌᒐᕆᓯᒪᔭᖓ ᐃᓚᐅᑎᓐᓂᖅ ᑕᕝᕗᖓ ᑎᒥᐅᔪᒧᑦ ᑎᑭᐅᑎᒍᒪᑦᓱᓂ ᐊᒥᓲᒍᓐᓇᕐᓂᓕᒫᖏᓐᓄᑦ ᒪᒃᑯᑦᑐᑦ ᐃᓇᑕᐅᓂᖏᑦ ᐃᓚᐅᑎᖁᓪᓗᒋ ᐱᔭᕆᐅᖅᓴᕆᐊᓕᓐᓂᒃ ᐃᖅᑲᓇᐃᔮᓄᑦ ᑐᑭᓯᐅᒪᔭᕆᐊᓕᓐᓄᓪᓗ ᐃᖅᑲᓇᐃᔮᕆᓂᐊᕐᓗᒋᑦ.

ᓖᓴ ᒪᒃᑖᓄᓪᑦ

ᓖᓴ ᐃᖅᑲᓇᐃᔭᖃᑦᑕᖅᓯᒪᔪᖅ ᓄᓇᖃᖅᓯᒪᓕᖅᓱᓂᓗ ᐅᑭᐅᖅᑕᖅᑐᒥᒃ ᐊᕐᕌᒍᐃᑦ 38 ᐅᖓᑖᓄᑦ. ᓖᓴ ᐃᓕᓐᓂᐊᖅᓯᒪᔪᖅ ᐊᕐᕕᖅᑕᑎᓐᓄᑦ ᐃᑲᔪᖅᑎᐅᓂᕐᒥᒃ, ᐃᑲᔪᖅᓱᓂ ᑎᒥᐅᔪᓂᒃ ᐃᖅᑲᓇᐃᔭᖅᑎᖏᑦᑕ ᐊᕐᕕᖅᑕᕆᐊᖃᕐᓂᖏᓐᓄᑦ. ᐃᖅᑲᓇᐃᔭᓚᐅᕋᓂ NCC−ᑯᓐᓄᑦ, ᓖᓴ ᐊᓪᓚᕕᒻᒥ ᐊᖓᔪᖅᑳᖑᔪᔪᖅ Narwhal Plumbing and Heating Ltd.−ᑯᓐᓂ ᐊᕐᕌᒍᓂᒃ ᖁᓕᓂᒃ ᐃᖃᓗᓐᓂ. ᓖᓴ ᐃᖅᑲᓇᐃᔭᓯᓚᐅᖅᓯᒪᔪᖅ NCC Development−ᒥ ᐱᓕᕆᖃᑎᒌᑦᑐᓄᑦ ᐊᓪᓚᕕᒻᒥ ᐊᖓᔪᖅᑳᕈᖅᓱᓂ 2012−ᒥ. ᐊᓪᓚᕕᒻᒥ ᐊᖓᔪᖅᑳᖑᑦᓱᓂ, ᓖᓴ ᑎᒍᒥᐊᖅᑐᖅ ᖃᐅᔨᓴᑦᓯᐊᕐᓂᕐᒥᒃ ᐊᔾᔨᒌᙱᑦᑐᓂᒃ ᐱᒻᒪᕆᐅᔪᓂᒃ ᐊᓪᓚᕝᕕᓕᕆᓂᕐᒨᖓᔪᓂᒃ NCC−ᑯᓪᓗ ᓴᓇᓂᕐᒧᑦ ᐊᐅᓚᓂᖏᑦ ᐱᔭᕇᖅᐸᒃᑲᓗᐊᕐᒪᖔᑕ ᑭᖑᕙᐅᖅᑲᖏᓪᓗᑎᒃ ᑕᐃᒫᑦᓯᐊᕐᓗᑎᓪᓗ. ᓖᓴ ᓯᕗᓕᖅᓯᒪᔪᖅ ᐊᒥᓂ ᐊᐅᓚᓂᓪᓗᐊᑕᐅᔪᓂ ᐱᖃᓯᐅᑎᑦᓱᑎᒃ ᐊᑭᓕᖅᑐᐃᔨᓄᑦ ᐊᑭᓕᕋᑦᓴᓕᐅᕆᓂᖅ, ᐱᓇᓱᐊᕐᕕᓐᓄᑦ ᐊᑭᓕᖅᑑᑏᑦ, ᖃᐅᔨᓴᕐᓂᖅ ᐃᖅᑲᓇᐃᔭᖅᑏᑦ ᐃᑲᕐᕋᓕᐊᖏᓐᓂᒃ, ᐃᖅᑲᓇᐃᔭᖅᑏᑦ ᐊᕐᕕᖅᑕᕐᓂᖏᓐᓂᒃ ᑐᔪᕐᒥᕕᖏᓐᓂᓪᓗ, ᐊᓯᖏᓪᓗ ᐃᖅᑲᓇᐃᔭᖅᑎᓅᖓᔪᑦ ᐱᔪᓐᓇᐅᑏᓪᓗ ᓄᓇᓕᓐᓂᒃ ᑐᑦᓯᕌᕆᒋᐊᓖᑦ. ᓖᓴ ᐃᓚᐅᑎᓐᓂᖃᑦᓯᐊᕐᒥᔪᖅ ᓄᓇᓕᖏᓐᓄᑦ ᐃᖃᓗᐃᑦ, ᐃᑲᔪᖅᐸᑦᓱᓂ ᑲᑎᒪᔨᓂ ᐊᒥᓱᓂ ᓄᓇᓕᓐᓂ ᑎᒥᐅᔪᓂ ᓲᕐᓗ Iqaluit Purple Elks ᐊᒻᒪᓗ ᔫᒥ ᐃᓕᓐᓂᐊᕕᒻᒥ ᐊᐅᓚᓂᐅᔪᓂᒃ ᐃᓕᓐᓂᐊᕇᕋᐃᒻᒪᑕ, ᐊᓯᖏᓐᓂᓪᓗ ᑎᒥᐅᔪᓂᒃ ᐃᑲᔪᖃᑦᑕᖅᓯᒪᑦᓱᓂ.

ᐃᐅᕋᓐ ᐲᑐᓴᓐ

ᐃᐅᕋᓐ ᐱᕈᖅᓴᓯᒪᔪᖅ ᓄᓇᖃᖅᓱᓂᓗ ᐃᖃᓗᒃᑑᑦᑎᐊᕐᒥ. ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᕇᕋᒥ, ᐃᐅᕋᓐ ᐃᓕᓐᓂᐊᕆᐊᖅᓯᒪᔪᖅ ᐅᖁᒪᐃᑦᑐᕐᓂᐅᑎᓂᒃ ᐃᓕᓐᓂᐊᕐᕕᒻᒧᑦ ᐊᐅᓚᓂᖃᖅᑐᑦ ᐊᐅᓚᐅᓯᕆᔩᑦ ᐃᓕᓐᓂᐊᕐᕕᖓᓐᓄᑦ ᐋᓐᑎᐅᕆᐅᒧᑦ, ᐃᓕᑕᕆᔭᐅᔾᔪᑎᑖᖅᓱᓂ ᐊᐅᓚᑦᓯᒍᓐᓇᓕᖅᓱᓂ ᐊᔾᔨᒌᙱᑦᑐᓂᒃ ᐅᖁᒪᐃᑦᑐᕐᓂᐅᑎᓂᒃ. ᐃᐅᕋᓐ ᐃᓕᓐᓂᐊᕆᐊᓯᑦᑕᖅᑯᖅ ᖃᖓᑕᔫᓂᒃ ᐊᖁᒋᐅᖅᓴᕐᕕᒻᒧᑦ ᐅᕙᓂ Okanagan Mountain Helicopters ᑕᐃᑲᓂ ᐱᔭᕇᕈᑎᑖᖅᓱᓂ ᖁᓛᒍᓕᓐᓂᒃ ᐊᖁᑎᕈᖅᓱᓂ ᑮᓇᐅᔭᓕᐅᕋᓱᐊᕈᑎᓂ. ᐃᐅᕋᓐ ᑲᑎᒪᔨᐅᓯᒪᒻᒥᔪᖅ ᐃᖃᓗᒃᑑᑦᑎᐊᕐᒥ, ᐃᑦᓯᕙᐅᑕᕆᔭᐅᓪᓗᓂ ᓄᓇᓕᓐᓂ ᐱᔨᑦᓯᕋᖅᑏᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐃᑦᓯᕙᐅᑕᐅᓪᓗᓂ ᓄᓇᓕᕆᔩᑦ ᑲᑎᒪᔨᕋᓛᖏᓐᓄᑦ 2017−ᒥᒃ 2019−ᒧᑦ. ᐃᐊᕋᓐ ᐊᖏᕐᕋᖃᕐᕕᐅᔪᒥ ᐊᖓᔪᖅᑳᖑᓯᒪᔪᖅ ᓄᓇᕗᒻᒥ ᓯᓚᑦᑐᓴᕐᕕᒻᒥ 2017−ᒥᒃ ᑎᑭᐅᑎᑦᓱᒍ NCC Properties−ᑯᓐᓄ ᐃᓪᓗᓄᑦ ᐊᖓᔪᖅᑳᕈᖅᓱᓂ ᒪᐃ 2021.

ᐃᓪᓗᓄᑦ ᐊᖓᔪᖅᑳᖑᑦᓱᓂ, ᐃᐅᕋᓐ ᑎᒍᒥᐊᖅᑐᖅ ᖃᐅᔨᓴᑦᓯᐊᕐᓂᕐᒥ ᐊᐅᓚᓂᖏᓐᓂ, ᐊᑲᕐᕆᓇᕐᓂᖏᓐᓂ, ᑲᔪᓯᑎᑕᐅᑦᓯᐊᕐᓂᖏᓐᓂᓪᓗ ᐃᓪᓗᐃᑦ. ᐃᐅᕋᓐ ᐃᖅᑲᓇᐃᔮᖃᖅᐸᒻᒥᔪᖅ ᐊᒥᓱᓂ ᐱᓇᓱᐊᕐᕕᐅᔪᓂ ᓄᓇᓕᓐᓂ ᑲᔪᓯᑎᑦᓯᑦᓱᓂ ᐊᔾᔨᒌᙱᑦᑐᓂᒃ ᐊᐅᓚᓂᐅᔪᓂᒃ ᓴᓇᒋᐊᖅᑕᐅᔪᓂᒃ ᐃᓪᓗᓂᒃ ᑎᑭᐅᑎᑦᓱᑎᒃ ᐅᖅᑰᓴᐅᑏᑦ ᐊᓯᔾᔨᖅᑐᖅᑕᐅᓂᖏᓐᓄᑦ. ᐃᐊᕈᓐ ᑲᓲᒪᖃᑎᖃᖅᐸᑦᑐᖅ ᐊᑐᖅᑐᐊᖅᑎᓂᒃ ᖃᐅᑕᒫᑦ, ᖃᐅᔨᓴᑦᓯᐊᖅᓱᓂ ᑐᓴᐅᒪᖃᑦᑕᐅᑎᓂᖃᑦᓯᐊᕋᓗᐊᕐᒪᖔᑕ, ᑲᒪᒋᔭᓪᓗᐊᑕᕆᑦᓱᓂᐅᒃ ᐃᖅᑲᓇᐃᔮᒥᓂ ᐃᓪᓗᓄᑦ ᐊᖓᔪᖅᑳᖑᑦᓱᓂ.

ᑎᐅᓪ ᓯᑭᔾᒧᐊᕐ

ᑎᐅᓪ ᓄᓇᖃᖅᓯᒪᓕᖅᑐᖅ ᐃᖅᑲᓇᐃᔭᖅᓱᓂᓗ ᐅᑭᐅᖅᑕᖅᑐᒥ 2006−ᒥᓂᑦ ᐃᖅᑲᓇᐃᔭᓯᓚᐅᖅᓯᒪᑦᓱᓂ NCC Properties Limited−ᑯᓐᓄᑦ 2018−ᒥ. ᓚᐃᓴᓐᓯᖃᖅᓱᓂ ᐅᖅᑰᓴᐅᓯᕆᔨ, ᓯᑕᒪᓂᒃ ᖁᑦᓯᓐᓂᓕᒻᒥᒃ ᐊᐅᓚᐅᓯᕆᔨ ᐅᖅᓱᐊᓗᓕᕆᔨᐅᑦᓱᓂ. ᑖᒃᑯᐊ ᓚᐃᓴᓐᓰᑦ ᓯᕗᕐᖓᓂᓗ ᐱᓕᒻᒪᑦᓯᒪᓂᖓ ᓴᓇᔭᕆᐊᓕᓐᓂᒃ ᐊᐅᓚᑦᓯᔨᐅᑦᓱᓂ ᓈᒻᒪᓈᖅᓯᒪᔪᓂᒃ ᖃᐅᔨᒪᓂᖅᑖᕈᑎᒋᓯᒪᔭᖏᑦ ᑲᔪᓯᑦᓯᐊᕈᑎᒋᑦᓱᒋᑦ ᒫᓐᓇ ᐃᖅᑲᓇᐃᔮᒥᓄᑦ ᓴᓇᒋᐊᓕᓐᓅᖓᔪᓄᑦ ᐊᖓᔪᖅᑳᖑᑦᓱᓂ. ᑎᐅᓪ ᐊᑦᓱᕉᑎᖃᖅᑐᖅ ᑲᔪᓯᑎᑦᓯᓂᕐᒥᒃ ᒪᑭᒪᔭᐅᓂᖏᓐᓂᒃ ᐃᓪᓗᖁᑎᑦᑕ ᐱᐅᓈᖅᓯᒪᓗᑎᒃ ᑕᐃᒫᒃ NCC−ᑯᓐᓂᒃ ᐊᑐᖅᑐᐊᖅᑎᓄᑦ ᓂᕆᐅᒋᔭᐅᒻᒪᑕ.

ᓇᐃᐆᒥ ᒍᕌᓐᑖᓪ

ᓇᐃᐆᒥ ᐃᖅᑲᓇᐃᔭᖅᐸᓪᓕᐊᓚᐅᖅᓯᒪᔪᖅ ᐱᖁᑎᒋᔭᐅᔪᓂᒃ ᐊᐅᓚᑦᓯᔨᐅᑦᓱᓂ 1989−ᒥ ᐃᐅᓪᕘᑕᒥ ᐱᕕᖃᖅᑎᑕᐅᓕᓚᐅᖅᓯᒪᑦᓱᓂᓗ ᓄᑦᑎᕈᓐᓇᕐᓂᕐᒥᒃ ᐃᖃᓗᓐᓄᑦ. ᓇᐃᐆᒥ NCC−ᑯᓐᓄᑦ ᐃᖅᑲᓇᐃᔭᓯᔪᔪᖅ 2004−ᒥ ᐱᖁᑎᐳᔭᐅᔪᓄᑦ ᐊᖓᔪᖅᑳᕈᖅᓱᓂ ᐃᓄᒃᓱᒐᐃᑦ ᐃᓪᓗᐊᓗᒻᒧᑦ. ᐅᓪᓗᒥᓕ, ᓇᐃᐆᒥ ᑲᒪᕙᓕᖅᑐᖅ ᖃᐅᑕᒫᑦ ᐅᓪᓗᑕᒫᖅᓯᐅᑏᑦ ᐊᐅᓚᓂᖏᓐᓂᒃ ᐊᑐᖅᑐᐊᕐᓂᕐᒥᓪᓗ ᐊᐅᓚᑦᓯᓂᕐᒥᒃ ᐃᓘᓐᓇᑦᓯᐊᖏᓐᓄᑦ NCC Properties Limited−ᑯᓐᓄᑦ ᐅᑯᐊᖑᑦᓱᑎᒃ ᐊᖏᕐᕋᕆᔭᐅᔪᑦ, ᑮᓇᐅᔭᓕᐅᕋᓱᐊᕐᕖᑦ ᓯᕐᓗᐊᕐᓗ. ᓇᐃᐆᒥ ᐊᑦᓱᕉᑎᖃᖅᐸᑦᑐᖅ ᖁᑦᓯᓂᖅᐹᓂᒃ ᐱᔨᑦᓯᕋᕈᒪᓪᓗᓂ NCC ᐊᑐᖅᑐᐊᖅᑎᖁᑎᖏᓐᓄᑦ ᐃᑲᔪᖅᐸᑦᓱᓂᓗ ᑎᑭᐅᑎᒐᓱᐊᕐᓂᕐᒧᑦ ᑲᒻᐸᓂᐅᔫᑉ ᑐᕌᒐᕆᔭᖏᓐᓄᑦ. ᐱᕕᖃᓕᕋᐃᒐᒥ, ᐊᑭᓕᖅᑐᖅᑕᐅᓇᓂ ᐃᑲᔪᓲᖅ, ᓅᓯᒪᓲᖅ, ᐅᒥᐊᖅᑐᓲᖅ ᐃᖃᓪᓕᐊᓲᖑᑦᓱᓂᓗ.

ᕙᕐᕝ ᕼᐊᒥᖕ

ᕙᕐᑦ ᑎᒍᒥᐊᖅᑐᖅ ᓇᓗᓇᐃᖅᓯᒍᑕᐅᓯᒪᔪᒥᒃ ᑲᓇᑕᒥ ᑎᑎᕋᖅᑕᐅᓯᒪᔪᓄᑦ ᐊᑦᑕᓇᑦᑕᐃᓕᒪᓂᓕᕆᔨᒻᒪᕆᓐᓄᑦ (CRSP) ᐃᖅᑲᓇᐃᔮᖃᖃᑦᑕᖅᓯᒪᑦᓱᓂ ᐊᑦᑕᓇᑦᑕᐃᓕᒪᓂᕐᒥ ᐊᒥᓱᒐᓛᓐᓂ ᐊᕕᑦᑐᖅᓯᒪᓂᐅᔪᓂ ᑲᓇᑕᓕᒫᒥ ᐱᖃᓯᐅᑎᑦᓱᑎᒃ ᐃᐅᓪᕘᑕ, ᓴᔅᑳᑦᓱᐊᓐ, ᕗᕆᑎᔅ ᑲᓚᒻᕕᐊ, ᓄᓚᓇᑦᓯᐊᖅ ᐊᒻᒪᓗ ᓄᓇᕗᑦ. ᐃᖅᑲᐃᔭᖃᑦᑕᖅᓯᒪᔪᖅ ᐊᔾᔨᒌᙱᑦᑐᓂ ᓴᓐᓇᕕᐅᔪᓂ ᐱᖃᓯᐅᑎᑦᓱᑎᒃ ᐊᖏᕐᕋᖃᖅᑐᓕᕆᓂᖅ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᓂᒃ ᓴᓇᓂᖅ, ᐅᖅᓱᐊᓗᐃᑦ ᒑᓰᓪᓗ, ᓂᐅᕕᕐᕖᑦ, ᐱᕈᖅᓰᔩᑦ ᐊᒻᒪᓗ ᕼᐋᒻᒪᓚᐅᔪᓂ ᐊᕕᑦᑐᖅᓯᒪᔪᓂᓗ ᒐᕙᔭᒪᐅᔪᓂ. ᐃᓚᒌᑦ ᑎᑭᓚᐅᖅᓯᒪᑦᓱᑎᒃ ᓄᓇᕗᒻᒧᑦ 2017−ᒥ, ᑕᖅᑳᓂ ᐃᖅᑲᓇᐃᔮᖃᓚᐅᖅᓯᒪᔪᖅ ᐅᑎᓚᐅᙱᓂᕐᒥᓐᓄᑦ ᓇᒻᒥᓂᓕᓐᓄᑦ ᐃᖃᓗᓐᓂ ᐊᑦᑕᓇᑦᑕᐃᓕᒪᓂᕐᒥ ᓯᕗᓕᖅᓱᓂ. ᕙᕐᕝ ᐃᖅᑲᓇᐃᔮᖅᑖᔪᔪᖅ ᐋᓐᓂᐊᑦᑕᐃᓕᒪᓂᓕᕆᓂᕐᒧᑦ ᐊᑦᑕᓇᑦᑕᐃᓕᒪᓂᕐᒧᓪᓗ NCC Investment Group Inc.-ᑯᓐᓄᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ 2021−ᒥ.

ᕙᕐᕝ ᖁᕕᐊᒋᔭᖃᓪᓚᕆᑦᑐᖅ ᐃᖅᑲᓇᐃᔮᖃᕆᐊᑦᓴᖅ ᐃᖅᑲᓇᐃᔭᕐᕕᒻᒥ ᐋᓐᓂᐊᑦᑕᐃᓕᒪᓂᕐᒥᒃ ᐊᑦᑕᓇᑦᑕᐃᓕᒪᓂᕐᒥᓪᓗ ᐅᑉᐱᕈᓱᑦᓱᓂᓗ ᐃᖅᑲᓇᐃᔭᖃᑎᒌᓐᓂᒃᑯᑦ ᐊᑐᓕᖅᑎᑦᓯᓂᒃᑯᓪᓗ ᐊᑦᑕᓇᑦᑕᐃᓕᒪᕐᓂᒧᑦ ᐅᐸᓗᖓᐃᔭᐅᑎᓂᒃ, ᒥᑭᓪᓕᑎᕆᒍᓐᓇᖅᑐᒍᑦ ᐃᖅᑲᓇᐃᔭᕐᕕᒻᒥ ᐋᓐᓂᕐᓂᐅᕙᑦᑐᓂᒃ ᖃᓄᐃᓐᓂᐅᔪᓂᓪᓗ ᖃᐅᔨᓴᑦᓯᐊᕐᓗᑕᓗ ᐃᖅᑲᓇᐃᔭᖅᑎᓕᒫᑦ ᖃᓄᐃᓐᓇᑎᒃ ᐊᖏᕐᕋᑦᓯᐊᓕᕋᓗᐊᕐᒪᖔᑕ ᐃᖅᑲᓇᐃᔭᓚᐅᕐᓗᑎᒃ.

ᓕᓕ ᕼᐃᒪᓐ

ᓕᓕ ᓄᓇᖃᖅᓯᒪᔪᖅ ᐃᖅᑲᓇᐃᔭᖅᓯᒪᑦᓱᓂᓗ ᐃᖃᓗᓐᓂ ᐊᕐᖄᒍᓂᒃ 9−ᓂᒃ ᐊᒻᒪᓗ ᐊᕐᕌᒍᐃᑦ 10 ᐅᖓᑖᓄᑦ ᐃᖅᑲᓇᐃᔭᖅᑐᓕᕆᔨᓂ ᐱᓕᒻᒪᑦᓯᒪᔪᖅ ᐃᖅᑲᓇᐃᔭᖃᑦᑕᖅᓯᒪᑦᓱᓂ ᓇᒥᑐᐃᓐᓇᖅ ᓴᓐᓇᕕᓐᓂ, ᓂᐅᕕᕐᕕᓐᓂ, ᑕᖅᑲᐅᖓ ᐱᔨᑦᓯᕋᖅᑎᓂ, ᐊᒻᒪᓗ ᓇᒻᒥᓂᕆᔭᐅᔪᓂ.

ᑕᒫᓂᓐᓂᕐᒥᓂ ᐅᑭᐅᖅᑕᖅᑐᒥ, ᐃᖅᑲᓇᐃᔭᖃᑦᑕᖅᓯᒪᔪᖅ ᐱᖁᑎᒋᔭᐅᔪᓄᑦ ᐊᖓᔪᖅᑳᖑᑦᓱᓂ ᐊᕕᑦᑐᖅᓯᒪᔪᑦ ᐊᖓᔪᖅᑳᕆᔭᐅᓪᓗᓂ Northview REIT−ᑯᓐᓂ, ᐊᒻᒪᓗ ᑲᒪᔨᐅᓪᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᓄᓇᓕᐸᐅᔭᒃᑯᖏᓐᓂ ᐃᖃᓗᐃᑦ. ᒫᓐᓇᖃᒻᒥᖅ ᐱᔨᑦᓯᖅᓯᒪᔪᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᖓᔪᖅᑳᖑᑦᓱᓂ ᒥᓂᔅᑕᐅᕕᖓᓐᓂ ᐃᓕᓐᓂᐊᖅᑐᓕᕆᔨᒃᑯᑦ.

ᓕᓕ ᐃᖅᑲᓇᐃᔭᓯᓚᐅᖅᓯᒪᔪᖅ NCC Investment Group−ᓂ ᐱᓕᕆᖃᑎᒌᑦᑐᓄᑦ 2021−ᒥ ᐊᓪᓚᕕᒻᒪᕆᒻᒥ ᐱᔨᑦᓯᕋᐅᑎᓄᑦ ᐊᖓᔪᖅᑳᕈᖅᓱᓂ. ᑎᒍᒥᐊᖅᑐᖅ ᐃᓕᓐᓂᐊᖅᑐᓕᕆᓂᕐᒥᒃ ᐱᕙᓪᓕᐊᑎᑦᓯᓂᕐᒥᓪᓗ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᓂ ᐃᑲᔪᖅᓯᔨᐅᓂᕐᒥᒃ ᐱᓕᕆᖃᑎᒌᑦᑐᓄᑦ ᑲᔪᓯᔪᒥᓪᓗ ᑐᕌᒐᖃᖅᓱᓂ ᐃᖅᑲᓇᐃᔭᖅᑎᑖᕐᓂᕐᒥᒃ ᓄᓇᕗᒻᒥ ᐃᓄᓐᓂᒃ. ᑐᑭᒧᐊᑦᑎᑦᓯᖃᑕᐅᓲᖅ NCC−ᑯᓐᓂᒃ ᐱᓇᓱᐊᕐᕕᒻᒥᒃ ᐱᕈᖅᐸᓪᓕᐊᑎᑦᓯᑦᓱᓂ ᖃᐅᔨᓴᑦᓯᐊᕐᓂᒃᑯᑦ ᐃᖅᑲᓇᐃᔭᖅᑎᖁᑎᕗᑦ ᓈᒻᒪᓈᖅᓯᒪᒐᓗᐊᕐᒪᖔᑕ ᐸᕐᓇᐅᑎᓄᑦ ᐅᐸᓗᖓᐃᔭᐅᑎᒋᓯᒪᔭᑦᑎᓐᓄᑦ.

ᐹᑦ ᓱᕆᐊᓗ, CPA, CA

ᐹᑦ ᐃᓕᓐᓂᐊᖅᓯᒪᔪᖅ ᑮᓇᐅᔭᓕᕆᓂᕐᒥᒃ ᓯᓚᑦᑐᓴᕐᕕᔾᔪᐊᖓᓂ ᐋᑐᕚᑉ 2014-ᖑᑎᓪᓗᒍ. ᐃᓕᓐᓂᐊᕇᔪᔪᖅ ᑮᓇᐅᔭᓕᕆᔨᒻᒪᕆᐅᓂᕐᒧᑦ 2016−ᒥ. ᐃᖅᑲᓇᐃᔭᓚᐅᕋᓂ NCC−ᑯᓐᓄᑦ ᔮᓐᓄᐊᕆ 2021−ᒥ, ᐹᑦ ᐃᖅᑲᓇᐃᔮᖃᔪᔪᖅ ᑕᒻᒪᖅᓯᒪᔪᖅᓯᐅᖅᑎᐅᑦᓱᓂ ᐋᑐᕙᒥ ᐊᓪᓚᕝᕕᖏᓐᓂ KPMG LLP 2014−ᒥᓂᑦ, ᓯᕗᕙᖅᐸᓪᓕᐊᓯᒪᑦᓱᓂ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᕆᔨᐅᑦᓱᓂ ᐊᖓᔪᖅᑳᖑᓂᕐᒧᑦ ᐊᕐᕌᒍᐃᑦ ᐱᖓᓲᔪᖅᑐᑐᐃᓐᓇᑦ ᐃᓗᐊᓂ. ᐃᖅᑲᓇᐃᔮᖃᖅᓱᓂ KPMG−ᑯᓐᓂ, ᐹᑦ ᐱᔨᑦᓯᑦᖃᖅᑕᖅᓯᒪᔪᖅ ᐊᒥᓱᐊᓗᓐᓂ ᒥᑭᔪᓂᒃ, ᐊᑯᓐᓈᕿᓂᒃ ᐊᖏᔪᒻᒪᕆᐊᓗᓐᓂᓪᓗ ᐊᔾᔨᒌᙱᑦᑐᓂ ᐱᓇᓱᐊᕐᕕᓐᓂᒃ ᐱᖃᓯᐅᑎᑦᓱᓂ ᐱᖁᑎᓂᒃ ᐊᐅᓚᑦᓯᓂᖅ, ᐱᓪᓚᕆᓐᓂᒃ ᐊᐅᓚᑦᓯᓂᖅ ᐱᕙᓪᓕᐊᑎᑦᓯᓂᕐᓪᓗ, ᓴᓇᓂᖅ, ᑐᑭᓯᒪᕆᐊᓕᓕᕆᓂᖅ, ᑮᓇᐅᔭᓕᐅᕋᓱᐊᙱᑦᑐᑦ ᑎᒥᐅᔪᑦ, ᓄᓇᓕᓐᓅᖓᔪᓂᒃ ᖃᖓᑕᔫᓂᒃ ᐊᐅᓚᑦᓯᓂᖅ ᐊᒻᒪᓗ ᐆᒪᔪᓅᖓᔪᓂᒃ ᓴᓇᓂᖅ. ᐹᑦ ᓯᕗᓕᖃᑦᑕᖅᓯᒪᔪᖅ ᑕᒻᒪᖅᓯᒪᔪᖅᓯᐅᖅᑕᐅᑎᓪᓗᒋᑦ ᐊᖏᔪᒻᒪᕆᐅᔪᓂᒃ ᑐᙵᕕᖃᖅᑐᓂᒃ ᓄᓇᕗᒻᒥᒃ, ᐱᖃᓯᐅᑎᑦᓱᑎᒃ NCC Investment Group Inc. ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᑦ.

ᑮᓇᐅᔭᓕᕆᔨᒻᒪᕆᐅᓪᓗᓂ, ᐹᑦ ᑲᒪᒋᔭᖃᖅᑐᖅ ᖃᐅᔨᓴᕐᓂᕐᒥᒃ ᑮᓇᐅᔭᑎᒍᑦ ᐊᐅᓚᓂᖏᓐᓂᒃ NCC ᐱᓕᕆᖃᑎᒌᑦᑐᑦ ᑲᒻᐸᓂᖏᑦ ᐸᕐᓇᐃᔭᕐᓂᕐᒥᓪᓗ ᑮᓇᐅᔭᓄᑦ ᓇᓕᖅᑲᓂᒃ ᐊᓯᖏᓐᓂᓪᓗ ᐅᓂᒃᑳᓂᒃ ᑭᖑᕙᐅᖅᑲᖏᓪᓗᑎᒃ. ᐹᑦ ᐸᕐᓇᐃᐸᒻᒥᔪᖅ ᑮᓇᐅᔭᓅᖔᔪᓂᒃ ᓂᕆᐅᒋᔭᐅᔪᓂᒃ ᑮᓇᐅᔭᖅᑑᑎᑦᓴᓂᓪᓗ ᐅᖃᐅᔾᔨᒋᐊᖅᐸᑦᓱᓂ ᐱᓇᓱᐊᕐᓂᕐᒨᖓᔪᓂᒃ ᐊᐅᓚᑦᓯᔨᒻᒪᕆᒻᒧᑦ ᐊᓯᖏᓐᓄᓪᓗ ᐊᐅᓚᑦᓯᖃᑕᐅᔪᓄᑦ.

ᑭᓕᐅᕋᓐᔅ ᓯᓈᕐᑦ

ᑭᓕᐅᕋᓐᔅ ᐱᔨᑦᓯᖅᓯᒪᔪᖅ ᐊᖓᔪᖅᑳᕆᔭᐅᑦᓱᓂ ᐊᐅᓚᑦᓯᔨᒻᒪᕆᐅᑦᓱᓂᓗ NCC Investment Group Inc. 2019−ᒥᓂᑦ. ᓯᕗᓪᓕᖅᐹᒥ ᐅᑭᐅᖅᑕᖅᑐᒧᑦ ᓄᑦᑎᓚᐅᖅᓯᒪᔪᖅ 1995−ᒥ ᐃᖅᑲᓇᐃᔭᓯᑦᓱᓂᓗ NCC−ᑯᓐᓄᑦ 2005−ᒥ, ᑕᐃᑲᓂ ᐱᕙᓪᓕᐊᓯᒪᑦᓱᓂ ᓴᓇᔨᓄᑦ ᐊᖓᔪᖅᑳᕕᐅᓚᐅᖅᓱᓂ ᒫᓐᓇ ᐃᖅᑲᓇᐃᔮᕆᓕᖅᑕᖓᓄᑦ. ᑭᓕᐅᕋᓐᔅ ᐃᓚᐅᑎᑦᓯᐊᐸᑦᑐᖅ ᐊᑭᓕᖅᑐᖅᑕᐅᒐᓂ ᐃᑲᔪᖅᑐᓄᑦ ᐃᖃᓗᓐᓂ, ᓄᓇᕗᒻᒥ, ᓄᓇᓕᑦᓯᒪᕕᒻᒥᓂ. ᒫᓐᓇᐅᔪᖅ, ᐊᖓᔪᖅᑳᕆᔭᐅᔪᖅ ᑲᑎᒪᔨᖏᓐᓄᑦ ᕿᑭᖅᑖᓗᒻᒥᓇᒻᒥᓂᕆᔪᓄᑦ ᑲᑐᔾᔨᖃᑎᒌᓐᓄᑦ ᐊᒻᒪᓗ ᐊᖓᔪᖅᑳᒧᑦ ᑐᖏᓕᐅᑦᓱᓂ ᑲᑎᒪᔨᖏᓐᓄᑦ ᐱᔭᕆᐊᖅᓴᕆᐊᓖᑦ ᑲᓇᑕᒥ ᓄᓇᕗᒻᒧᑦ. ᐃᑦᓯᕙᐅᑕᕐᒧᑦ ᑐᖏᓕᕆᔭᐅᓚᐅᖅᓯᒪᒻᒥᔪᖅ ᑲᑎᒪᔨᖏᓐᓄᑦ Habitat for Humanity ᐃᓪᓗᓕᐅᖅᑏᑦ ᐃᖃᓗᓐᓂ. ᑭᓕᐅᕋᓐᔅ ᒫᓐᓇ ᐃᖃᓗᓐᓂ ᐃᓚᒋᔭᐅᒻᒥᔪᖅ ᒪᐃᔭᐅᑉ ᑲᒪᒋᒋᐊᓕᓐᓄᑦ ᐱᓕᕆᔨᖏᓐᓄᑦ ᐊᑭᑐᓗᐊᙱᑦᑐᓄᑦ ᐃᓪᓗᓄᑦ, ᐃᓪᓗᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦᓐᓃᑦᑐᖅ ᒐᕙᒪᒃᑯᖏᓐᓂ ᓄᓇᕗᑦ, ᐊᑦᑕᓇᑦᑕᐃᓕᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓂ ᐋᓐᓂᖅᑐᓕᕆᔨᒃᑯᓐᓄᑦ (WSCC) ᐊᒻᒪᓗ ᑲᑎᒪᔨᐅᑦᓱᓂ ᕿᑭᖅᑖᓗᒻᒥ ᐊᕙᑎᓕᕆᓂᕐᒧᑦ ᑎᒥᐅᔪᓄᑦ. ᖁᕕᐊᒋᔭᖃᓪᓚᕆᑦᓯᒪᔪᖅ ᐊᕐᕌᒍᓂᒃ 25−ᓂᒃ ᐅᑭᐅᖅᑕᖅᒦᓐᓂᕆᓕᖅᑕᒥᓂᒃ ᓂᕆᐅᑦᓱᓂᓗ ᐊᕐᕌᒍᕋᓴᒃᑲᓐᓂᕐᓂᒃ.

ᐅᓛᔪᒃ ᐊᑭᓱᒃ

ᑭᙵᕐᒥᐅᑦᓴᔭᐅᓪᓗᓂ, ᓄᓇᕗᒻᒥ, ᐅᓛᔪᒃ ᐊᑭᓱᒃ ᐊᖓᔪᖅᑳᕆᔭᐅᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ (QIA). ᐊᑭᓱᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᒪᓕᒐᓕᐅᕐᕕᒻᒥ (MLA) ᑭᒡᒐᖅᑐᐃᑦᓱᓂ ᕿᑭᖅᑖᓘᑉ ᓂᒋᐊᓄᑦ 1999−ᒥᒃ 2008−ᒧᓄᑦ, ᓂᕈᐊᕋᑦᓴᐅᑦᓱᓂ ᓵᓚᖃᓚᐅᖅᓯᒪᑦᓱᓂ 1999−ᒥ ᓄᓇᕗᒻᒥ. ᒥᓂᔅᑕᕆᔭᐅᓯᒪᔪᖅ ᐊᕙᑎᓕᕆᓂᕐᒧᑦ, ᒥᓂᔅᑕᕆᔭᐅᓯᒪᔪᖅ ᐋᓐᓂᖅᑎᓕᕆᔩᑦ ᑲᑎᒪᔨᖏᓐᓄᑦ, ᐊᒻᒪᓗ ᒥᓂᔅᑕᕆᔭᐅᓯᒪᒋᓪᓗᓂ ᓄᓇᕗᒻᒥ ᐃᓪᓗᓕᕆᓂᕐᒧᑦ.

ᑕᐃᕕᑦ ᐅᒧᒍᐃᑦᑐᒃ

ᑕᐃᕕᑦ ᐃᖃᓗᒃᑑᑦᑎᐊᕐᒥᐅᑦᓴᔭ, ᓄᓇᕗᒻᒥ ᐱᔨᑦᓯᖅᓯᒪᓪᓗᓂ ᐊᖓᔪᖅᑳᖑᓂᕐᒧᑦ ᐊᐅᓚᑦᓯᔨᒻᒪᕆᐅᓂᕐᒧᓪᓗ ᕿᑎᕐᒥᐅᑦ ᑯᐊᐳᕇᓴᒃᑯᖏᓐᓄᑦ (KC), ᐱᓇᓱᐊᕐᓂᕐᒥᒃ ᑲᒪᒋᔭᖃᖅᑐᑦ ᐱᕙᓪᓕᐊᑎᑦᓯᓂᕐᒥᒃ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ, 2012−ᒥᓂᑦ. ᑕᐃᕕᑦ ᐃᑦᓯᕙᐅᑕᕆᔭᐅᓚᐅᖅᓯᒪᔪᖅ ᑲᑎᒪᔨᖏᓐᓄᑦ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᒃᑯᖏᓐᓄᑦ, ᑕᒪᑦᓱᒪᓗ ᓯᕗᕐᖓᒍᑦ, ᐊᒥᓱᓂᒃ ᐊᕐᕌᒍᓂᒃ ᒐᕙᒪᒃᑯᓐᓂ ᐃᖅᑲᓇᐃᔮᖃᖃᑦᑕᖅᓯᒪᔪᖅ, ᐱᖃᓯᐅᑎᑦᓱᓂ ᐊᓪᓚᑎᒻᒪᕆᒋᔭᐅᓂᖅ ᓯᕗᓕᖅᑎᓄᑦ ᐊᒻᒪᓗ ᒥᓂᔅᑕᒧᑦ ᑐᖏᓕᕆᔭᐅᓂᖅ ᒐᕙᒪᓕᕆᖃᑎᒌᑦᑐᓄᑦ.

ᑕᐃᕕᑦ ᖃᑯᑦᑎᓐᓂᖅ

ᑕᐃᕕᑦ ᖃᑯᑦᑎᓐᓂᖅ ᐊᖓᔪᖅᑳᕆᔭᐅᔪᑦ ᐊᐅᓚᑦᓯᔨᒻᒪᕆᐅᑦᓱᓂᓗ ᓴᒃᑯ ᑮᓇᐅᔭᓕᐅᕋᓱᐊᕐᓂᕐᒧᑦ ᑯᐊᐳᕇᓴᒃᑯᓐᓄᑦ, ᐃᓄᓐᓄᑦ ᐱᖁᑎᒋᔭᐅᔪᖅ ᑎᒥᖁᑎᒋᔭᐅᓪᓗᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ. ᑕᐃᕕᑦ, ᐱᕈᖅᓴᓯᒪᔪᖅ ᑲᖏᖅᖠᓂᕐᒥ, ᓴᒃᑯᑯᓐᓅᓚᐅᖅᓯᒪᔪᖅ ᐱᓕᒻᒪᑦᓯᒪᑦᓯᐊᖅᓱᓂ ᓇᒻᒥᓂᕆᔭᐅᔪᓂᒃ, ᐃᓄᓐᓄᑦ ᑎᒥᖁᑕᐅᔪᓂᒃ ᐊᒻᒪᓗ ᒐᕙᒪᒃᑯᓐᓂᒃ ᐊᒻᒪᓗ ᖃᑦᓯᒻᒪᕇᑦ ᑲᑎᒪᔨᓄᑦ ᑎᓕᔭᐅᓂᕆᖃᑦᑕᖅᓯᒪᔭᖏᑦ ᐊᕐᕌᒍᐃᑦ 28 ᐃᓗᐊᓂ ᑐᕋᐃᓐᓇᖅᑐᒥᒃ ᐃᖅᑲᓇᐃᔮᖃᖅᓱᓂ ᐊᒻᒪᓗ ᖃᐅᔨᒪᓂᒻᒪᕆᑦᑖᖅᓯᒪᑦᓱᓂ. ᒥᔅᑕ ᖃᑯᑦᑎᓐᓂᖅ ᐱᒻᒪᕆᐊᓘᓪᓗᓂ ᐃᓚᒋᔭᐅᓯᒪᔪᖅ ᓴᒃᑯᒃᑯᓐᓄᑦ ᑕᐃᒪᙵᓂᑦ ᓯᑦᑕᕝᕙ 2012, ᓯᕗᓪᓕᕐᒥ ᐊᐅᓚᑦᓯᔨᒻᒪᕆᐅᑦᓱᓂ ᐊᐅᓚᓂᐅᔪᓄᑦ (2012 – 2015), ᑭᖑᕐᖓᒍᑦ ᐊᖓᔪᖅᑳᒧᑦ ᑐᖏᓕᕆᔭᐅᑦᓱᓂ (2015-2016). ᑕᐃᕕᑦ ᖁᕝᕙᖅᑎᑕᐅᓯᒪᔪᖅ ᐊᖓᔪᖅᑳᖑᓂᕐᒧᑦ ᐊᐅᓚᑦᓯᔨᒻᒪᕆᐅᓂᕐᒧᓪᓗ ᒫᑦᓯ 2016.

ᕼᐋᕆ ᕙᓛᕼᐅᑎ

ᕼᐋᕆ ᐱᔨᑦᓯᖅᓯᒪᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᒃ ᐊᖓᔪᖅᑳᕆᔭᐅᓪᓗᓂ ᐊᐅᓚᑦᓯᔨᒻᒪᕆᐅᓪᓗᓂᓗ 2009−ᒥᓂᑦ. ᕼᐋᕆ ᐊᒥᓱᐊᓗᓐᓂᒃ ᐃᓕᑕᕆᔭᐅᔾᔪᑎᖃᖅᓯᒪᔪᖅ ᖁᕝᕙᖅᑎᖅᑕᐅᖃᑦᑕᖅᓯᒪᑦᓱᓂᓗ ᓇᓗᓇᐃᔭᖅᑕᐅᑦᓱᑎᒃ ᐃᑲᔫᑎᒋᓯᒪᔭᖏᑦ ᓄᓇᕗᒻᒧᑦ ᐃᓄᖏᓐᓄᓪᓗ. ᒫᓐᓇᕋᑖᖑᓂᖅᐹᖅ, ᕼᐋᕆ ᐃᓕᑕᕆᔭᐅᔾᔪᑎᖃᔪᔪᖅ ᑲᓇᑕᒥ ᑲᑎᒪᔨᖏᓐᓂᒃ ᓄᓇᖃᖅᑳᖅᓯᒪᔪᑦ ᐱᓇᓱᐊᕐᕕᓐᓄᑦ ᐃᓕᑕᕆᔭᐅᕕᔾᔪᐊᕐᒥᒃ ᐃᓅᓯᓕᒫᕐᒨᖓᔪᒥᒃ ᓯᕗᓪᓕᖅᐹᖑᓪᓗᓂ ᓄᓇᖃᖅᑳᖅᓯᒪᔫᓪᓗᓂ ᐃᓅᓪᓗᓂ ᐊᐃᑦᑐᖅᑕᐅᑦᓱᓂ ᑖᑦᓱᒥᖓ ᐃᓕᑕᕆᔭᐅᔾᔪᑎᒥᒃ ᐊᕐᕌᒍᐃᑦ ᐊᕙᑎᑦ ᐃᓗᐊᓂ. ᑖᓐᓇ ᐃᓚᒋᔭᐅᔪᖅ ᐱᖓᓲᔪᖅᑐᓄᑦ ᐊᐅᓚᑦᓯᔨᒻᒪᕆᓐᓄᑦ ᑲᓇᑕᒥ ᑕᐃᔭᐅᑦᓱᓂ ᓄᓇᕐᔪᐊᕐᒥ ᐊᐅᓪᓚᑦᓯᔨᑦᓯᐊᕙᐅᓂᖅᐸᐅᖃᑕᐅᒋᐊᖓ Today ᐅᖃᓕᒫᒐᕐᓂ.