100% ᐃᓄᖕᓄᑦ ᓇᒻᒥᓂᖁᑎᒋᔭᖅ
ᐱᓇᓱᐊᒐᕗᑦ
ᐱᐅᑎᑕᐅᓗᑎᑦ ᐃᓄᐃᑦ ᖃᓄᐃᑦᑕᐃᓕᓂᖏᑦ ᑮᓇᐅᔭᓕᐅᖅᑎᑦᑎᖃᑦᑕᖅᑐᑕ, ᐃᖅᑲᓇᐃᔮᒃᓴᓂᒃ ᓴᖅᑮᓲᖑᓪᓗᑕ ᐊᒻᒪᓗ ᓇᒻᒥᓂᖅᑖᑎᑦᑎᒍᓐᓇᓲᖑᓪᓗᑕ.
ᐱᒻᒪᕆᒋᔭᕗᑦ
ᐃᓄᐃᑦ ᐃᓚᐅᖃᑕᐅᓗᑎᑦ ᑕᒪᐃᓐᓂᓕᒫᑦᑎᐊᖅ ᐃᖅᑲᓇᐃᔮᕆᓲᑦᑎᓐᓂᒃ, ᐱᓕᕆᖃᑎᒋᑦᑎᐊᓲᕆᓪᓗᑎᒍᑦ ᐱᔨᑦᑎᖅᑕᕗᑦ, ᓱᓇᒃᑯᑖᖃᖅᑎᑦᑎᔨᕗᑦ ᐊᒻᒪᓗ ᓄᓇᓖᑦ ᓄᓇᕗᒻᒥ.
ᐃᖅᑲᓇᐃᔮᕆᔭᕗᑦ
ᐋᖅᑭᒃᓱᐃᓲᖑᔪᒍᑦ, ᓴᓇᓪᓗᑕ ᐊᒻᒪᓗ ᐊᑐᖅᑐᐊᑎᑦᑎᓪᓗᑎᑦ ᐱᐅᔪᓂᒃ ᐱᖁᑎᕐᔪᐊᓂᒃ.
ᓄᓇᕗᒻᒥ ᑮᓇᐅᔭᓂᒃ ᐊᑐᓲᖑᕗᒍᑦ.
ᖄᖓᒍᒃᑲᓐᓂᖅ ᒪᓕᒐᓕᐅᕐᕕᒃ ᑲᒪᒋᓯᒪᔭᑦᑎᓐᓂᒃ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐊᑐᖅᑐᐊᑎᑦᑎᓲᖅ ᐊᓪᓚᕝᕕᓂ ᓄᓇᕗᑦ ᒐᕙᒪᖏᓐᓄᑦ ᑎᓴᒪᓂᒃ ᐊᓯᖏᓐᓂᒃ ᓄᓇᓕᐅᔪᓂᑦ. ᐊᒻᒪᓗ ᐃᒡᓗᖃᖅᑎᑦᑎᓲᖑᒻᒥᔪᒍᑦ ᐅᖓᑖᓃᑦᑐᓂᒃ 264−ᖑᔪᓂᒃ. ᐱᓕᕆᐊᕆᓇᓱᐊᕋᑦᑎᒍᓕ ᐱᔭᕆᐊᓕᑦᑎᑦ ᒪᓕᓪᓗᒋᑦ ᑲᒪᒋᓗᑎᒍᑦ, ᐃᖅᑲᓇᐃᔭᕐᕕᖕᓂ ᐅᕝᕙᓘᓐᓃᑦ ᐊᖏᕐᕋᖕᓂ. ᑮᓇᐅᔭᓂᒃ ᐊᑐᓲᖑᕗᒍᑦ ᓄᓇᕗᒻᒥ, ᐃᓄᖏᓐᓄᑦ ᐊᒻᒪᓗ ᓄᓇᓕᖏᓐᓄᑦ. ᐃᖅᑲᓇᐃᔭᖃᑎᖃᓲᖑᕗᒍᑦ ᑎᒍᒥᐊᖅᑎᖁᑎᑦᑎᓐᓂᒃ. ᐃᓚᐅᖃᑕᐅᓲᖑᓪᓗᑕᓗ ᒪᑭᒪᔪᓐᓇᖅᑐᒃᑯᑦ ᐱᕙᓪᓕᐊᓂᖃᕋᓱᐊᖅᑐᑕ, ᐃᖅᑲᓇᐃᔭᖅᑎᑖᓲᖑᓪᓗᑕ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ ᑳᑐᓐᕌᒃᑦ−ᑎᐅᔪᓂᑦ. ᑮᓇᐅᔾᔭᒃᓴᓕᖅᑎᑦᑎᓲᖑᕗᒍᑦ ᑎᒍᒥᐊᖅᑎᖁᑎᑦᑎᓐᓂᒃ, ᐃᖅᑲᓇᐃᔭᖅᑎᑎᓐᓂᒃ ᐊᒻᒪᓗ ᓱᓇᒃᑯᑖᖃᖅᑎᑦᑎᔨᑦᑎᓐᓂᒃ. ᐃᑲᔪᖅᑐᒍᑦ ᓄᓇᕗᑦ ᐱᕙᓪᓕᐊᑎᑦᑐᒍ.