ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵᑕ ᐱᕙᓪᓕᐊᑎᑦᑎᔩᑦ ᒥᒃᓵᓄᑦ

development-1
development-7

ᐃᓄᖕᓄᑦ ᓇᒻᒥᓂᖁᑎᒋᔭᖅ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵᑕ ᐱᕙᓪᓕᐊᑎᑦᑎᔩᑦ ᑎᒥᖓ ᖃᐅᔨᒪᔨᐅᕗᑦ ᓴᓇᔪᓕᕆᔾᔪᑕᐅᖃᑦᑕᓂᐊᖅᑐᓂᒃ ᐊᕙᑎᖓᓂᒃ ᐊᒃᓱᕈᕐᓇᖅᑑᑎᓪᓗᒍ ᒪᑭᑕᔪᓐᓇᕋᔭᖅᑐᓂᒃ ᐊᒻᒪᓗ ᓯᓚᑉ ᖃᓄᐃᓐᓂᖏᑦ ᐅᑭᐅᖅᑕᖅᑐᒥ ᒪᓕᓪᓗᒋᑦ ᒪᑭᑕᔪᓐᓇᕋᔭᖅᑐᓂᒃ. ᓄᓇᕗᒻᒥ ᓯᕗᓕᖅᑎᐅᓪᓗᑎᑦ ᐱᐅᔪᓂᒃ ᓴᓇᔪᓕᕆᕕᒻᒥ, ᑮᓇᐅᔭᓕᐅᕋᓱᐊᖅᑐᓂᒃ ᐃᒡᓗᓕᐅᖅᑎᐅᓪᓗᑎᑦ ᐊᒻᒪᓗ ᐊᖏᕐᕋᓕᐅᖅᑎᐅᓪᓗᑎᑦ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵᑕ ᐱᕙᓪᓕᐊᑎᑦᑎᔩᑦ ᖃᐅᔨᒪᔪᑦ ᖃᓄᐃᓕᐅᕆᐊᖃᕐᒪᖔᕐᒥᒃ ᑭᖑᕙᙱᑐᒃᑯᑦ ᐱᔭᕇᖅᓯᒍᓐᓇᖃᑦᑕᖅᑐᑎᑦ ᐊᒻᒪᓗ ᑮᓇᐅᔭᖅᑐᕈᑎᒃᓴᑦ ᒪᓕᑦᑐᒋᑦ ᐱᓕᕆᐊᖃᓲᑦ. ᐱᓕᕆᐊᖅ ᐊᖏᓗᐊᙱᓚᖅ ᒥᑭᓗᐊᙱᓚᕐᓗ.

ᐃᑉᐱᒍᓱᑦᑎᐊᕋᑦᑕ ᓂᐅᕕᖅᐸᑦᑐᖁᑎᑦᑎᓐᓂᒃ. ᐃᑲᔪᕋᓗᐊᕈᑦᑕᓘᓐᓃᖅ ᐋᖅᑭᒃᓱᐃᓗᑕ ᐃᒡᓗᒃᓴᓂᒃ ᐅᒥᐊᕐᔪᐊᒃᑯᑦ ᐅᓯᔭᐅᔪᒧᓂᒃ ᐅᕝᕙᓘᓐᓃᑦ ᐋᖅᑭᒃᓱᐃᓗᑕ ᐃᓱᒪᓕᐅᕈᑎᖃᕐᓗᑕᓗ ᐊᖏᕐᕋᖅᑖᕆᔪᒪᔭᖕᓂᒃ, ᐊᒃᓱᕈᕐᓇᕋᔭᖅᑐᖅ ᓇᓂᓯᓗᓂ ᐊᓯᐊᓂᒃ ᑲᑐᔾᔨᖃᑎᒌᒥᒃ ᐊᑐᐃᓐᓇᐅᒪᑎᑦᑎᓲᖑᔪᒥᒃ ᐊᔾᔨᐅᙱᑦᑐᒥᒃ ᓂᐅᕕᖅᐸᑦᑐᖁᑎᒋᔭᐅᔪᖅ ᐱᓕᕆᖃᑎᒋᔭᐅᓂᖓᓂᒃ ᑕᐃᒪᐃᓲᖑᓪᓗᑕ ᐱᓕᕆᖃᑎᒋᔭᐅᔭᕌᖓᑦᑕ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᑎᑦᑎᔨᒃᑯᓐᓂᒃ.

ᐱᓇᓱᐊᒐᖃᕋᑦᑕᓕ ᐅᑭᐅᖅᑕᖅᑐᒥ ᐃᑲᔫᑎᒃᓴᑦ ᐊᑐᖅᑕᐅᓲᑦ ᐊᑕᐅᑦᑎᒨᖅᑕᐅᓗᑎᑦ ᐃᒡᓗᓕᐅᕈᓐᓇᖁᓪᓗᑕ ᑖᒃᑯᓇᙵᑦ ᐊᒻᒪᓗ ᑖᒃᑯᓄᖓ ᓄᓇᕗᒻᒥᐅᓄᑦ.

ᐱᙳᓚᐅᖅᓯᒪᒻᒪᓂᑦ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᑎᑦᑎᔨᒃᑯᑦ ᐱᔭᕇᖅᓯᒪᔪᑦ ᓴᓇᓪᓗᑎᑦ ᐱᓕᕆᐊᖃᖅᑐᑎᑦ ᐊᑭᖃᖅᓯᒪᓕᖅᑐᑦ ᑕᒪᐃᓐᓂ ᐊᖓᑖᓃᑦᑐᓂᑦ $300 ᒥᓕᐊᓐ, ᐅᑯᐊᖑᓪᓗᑎᑦ:

  • ᐱᖁᑎᕐᔪᐊᑦ, ᐊᓪᓚᕝᕖᑦ ᐊᒻᒪᓗ ᐃᒡᓗᐃᑦ ᓄᓇᕗᑦ ᒐᕙᒪᒃᑯᖏᓐᓄᑦ;
  • ᑮᓇᐅᔭᓕᐅᕋᓱᐊᖅᑐᓄᑦ ᐱᓕᕆᐊᑦ, ᓲᕐᓗᒃ ᐃᓄᒃᓱᒐᐃᑦ ᐃᒡᓗᕐᔪᐊᑦ ᐊᒻᒪᓗ ᑲᓇᐃᑎᐊᓐ ᓄᐊᑦ ᖃᖓᑕᓲᖃᕐᕕᖓ;
  • ᑮᓇᐅᔭᖅᑎᒍᑦ ᐃᑲᔫᓯᐊᖅᑖᓲᓄᑦ ᐃᒡᓗᓕᐅᖅᑐᑦ ᓲᕐᓗᒃ 28 ᑲᑎᙵᐅᖅᑐᑦ ᐃᒡᓗᐃᑦ ᐱᔭᕇᖅᑕᐅᕋᑖᓚᐅᖅᑐᖅ ᐃᖃᓗᖕᓂ;
  • ᐊᑐᓂ ᐃᒡᓗᐃᑦ, ᒪᓕᑦᑐᒍ ᓄᑖᖅ ᐃᒡᓗᒥ ᓇᒻᒥᓂᖃᕐᓂᕐᒧᑦ ᐱᓕᕆᐊᖅ;

  • ᐱᓕᕆᐊᖃᖅᓯᒪᔪᒻᒪᕇᑦ ᓴᓇᔨᖁᑎᕗᑦ ᐃᓄᐃᓐᓇᐸᓘᒻᒪᑕ. ᐃᑲᔪᖅᑐᓲᕗᑦ ᐃᖅᑲᓇᐃᔭᖅᑎᕗᑦ ᐱᓕᒻᒪᓴᖅᑎᑦᑐᒋᑦ, ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᑎᑦᐊᒻᒪᓗ ᐃᓕᓴᐃᔨᖃᖅᑎᑦᑐᒋᑦ. ᑕᑎᖃᓲᖑᕗᒍᑦ ᐊᔪᙱᑦᑐᓂᒃ ᐃᓄᖕᓂᒃ ᐱᓕᕆᖃᑎᒋᓲᑦᑎᓐᓂᒃ ᐊᒻᒪᓗ ᐅᑭᐅᖅᑕᖅᑐᒥᐅᑦ ᓱᓇᒃᑯᑖᖃᖅᑎᑦᑎᔨᓂᒃ ᐊᒻᒪᓗ ᑳᑐᓐᕌᒃᑦ−ᑎᖁᑎᑦᑎᓐᓂᒃ. ᐊᑦᑕᓇᖅᑕᐃᓕᒪᑎᑦᑎᓲᖑᔪᒍᑦ ᓴᓇᕕᐅᔪᓂᒃ ᐱᓕᒻᒪᒃᓴᐃᑎᑦᑎᓂᒃᑯᑦ ᐊᒻᒪᓗ ᐅᐊᑦᑎᓂᒃᑯᑦ.

    ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᑎᑦᑎᔨᒃᑯᓐᓂ, ᓯᕗᓪᓕᖅᐹᖑᑎᓲᕆᔭᕗᑦ ᓂᐅᕕᖅᑐᖃᑎᒋᓲᕗᑦ ᓈᒻᒪᒃᓴᕋᓗᐊᕐᒪᖔᕐᒥᒃ.

    ᑲᓇᑕᒥ ᓇᒻᒥᓂᖁᑎᓖᑦ ᕿᒥᕐᕈᔭᐅᓂᖏᑦ

    1997−ᖑᑎᓪᓗᒍ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᑎᑦᑎᔨᒃᑯᑦ ᐋᖅᑭᒃᑕᐅᓚᐅᖅᓯᒪᔪᖅ ᓴᓇᖁᓪᓗᒋᑦ ᐊᒻᒪᓗ ᐋᖅᑭᐅᒪᐃᓐᓇᑎᑦᑎᓗᑎᑦ ᐱᖁᑎᕐᔪᐊᖅᑖᕆᔭᐅᔭᕆᐊᓕᖕᓂᒃ ᓄᓇᕗᑦᑖᕈᑦᑕ, ᑲᓇᑕᑉ ᓄᑖᖑᓛᖁᑎᖓ ᐊᕕᑦᑐᖅᓯᒪᓂᖓ ᐅᑭᐅᖅᑕᖅᑐᒥ. ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᑎᑦᑎᔨᒃᑯᑦ ᑎᒥᖓ ᓇᒻᒥᓂᖁᑎᒋᔭᐅᕗᖅ ᑕᒪᐃᓐᓂ ᓄᓇᕗᒻᒥ ᐃᒡᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑑᑏᑦ ᑲᑐᔾᔨᖃᑎᒌᖏᑕ. ᓄᓇᕗᒻᒥ ᐃᒡᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑑᑏᑦ ᑲᑐᔾᔨᖃᑎᒌᖏᑦ 100%−ᖓ ᐃᓄᖕᓄᑦ ᓇᒻᒥᓂᖁᑎᒋᔭᐅᕗᖅ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᐅᔪᓄᑦ, ᓴᒃᑯᒃ ᑮᓇᐅᔭᓕᐅᕋᓱᐊᖅᑏᑦ, ᕿᑭᖅᑖᓗᒃ ᑯᐊᐳᕇᓴᓐ, ᓄᓇᓯ ᑯᐊᐳᕇᓴᓐ ᐊᒻᒪᓗ ᓴᒃᑯᒃ ᑮᓇᐅᔭᓕᐅᕋᓱᐊᖅᑏᑦ ᑕᒪᐃᓐᓂᓕᒫᖅ ᓇᓕᒧᒌᑦᑐᒥᒃ ᐃᓚᒋᔭᐅᔾᔪᑎᓖᑦᐊᒻᒪᓗ ᑭᒡᒐᖅᑐᐃᔪᑦ ᐃᓄᖕᓂᒃ ᓄᓇᕗᓕᒫᕐᒥ.