ᐱᕚᓪᓕᕈᑎᒋᔭᐅᓯᒪᔪᑦ

investment-1
development-4
1996-ᖑᑎᓪᓗᒍ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᑎᒥᙳᓚᐅᖅᓯᒪᔪᖅ ᓴᓇᒍᓐᓇᖁᓪᓗᒋᑦ, ᓇᒻᒥᓂᖁᑎᖃᕐᓗᑎᑦ ᐊᒻᒪᓗ ᐊᑐᖅᑐᐊᑎᑦᑎᓗᑎᑦ ᐱᖁᑎᕐᔪᐊᓂᒃ ᐊᑐᖅᑕᐅᔭᕆᐊᓖᑦ ᓄᓇᕗᑦ ᒐᕙᒪᖏᓐᓄᑦ.

  • ᑎᒍᒥᐊᖅᑎᖁᑎᕗᑦ ᐅᑯᐊᖑᕗᑦ ᕿᑭᖅᑖᓗᒃ ᑯᐊᐳᕇᓴᓐ, ᓴᒃᑯᒃ ᑮᓇᐅᔭᓕᐅᕋᓱᐊᖅᑏᑦ ᑯᐊᐳᕇᓴᙵ, ᕿᑎᕐᒥᐅᑦ ᑯᐊᐳᕇᓴᓐ ᐊᒻᒪᓗ ᓄᓇᓯ ᑯᐊᐳᕇᓴᓐ. ᐊᑐᓂ ᑎᒍᒥᐊᖅᑎᐅᖃᑕᐅᔪᑦ ᑎᒃᑯᐊᖅᓯᓲᑦ ᑲᑎᒪᔨᒥᒃ ᑖᒃᑯᓄᖓ ᓄᓇᕗᒻᒥ ᐃᒡᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᖏᓐᓄᑦ.
  • 1999−ᖑᑎᓪᓗᒍ, ᑎᒥᙳᖅᑎᑦᑎᓚᐅᕐᒥᔪᒍᑦ ᒪᕐᕉᖕᓂᒃ ᑲᒻᐸᓂᐅᔫᓐᓂᒃ − ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᖁᑎᓕᕆᔨᒃᑯᑦ ᑎᒥᖓ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ − ᐊᐅᓚᑦᑎᓗᑎᑦ ᐊᒻᒪᓗ ᓴᓇᓗᑎᑦ ᐃᒡᓗᖁᑎᑦᑎᓐᓂᒃ ᐊᒻᒪᓗ ᓯᓚᑖᓃᑦᑐᓂᒃ ᓴᓇᔨᐅᒐᔭᖅᑐᓂᒃ ᐱᔨᑦᑎᕋᖅᑎᑎᓪᓗᑎᑦ. ᑲᒪᒋᔭᖃᐃᓐᓇᓂᐊᕐᓂᕋᖅᓯᒪᕗᒍᑦ ᐃᓄᐃ ᑦᐃᓚᐅᖃᑕᐅᓂᐊᕐᒪᑕ ᐃᖅᑲᓇᐃᔭᕐᓗᑎᑦ ᐊᒻᒪᓗ ᑳᑐᓐᕌᒃᑦ−ᑕᐅᖃᑦᑕᕐᓗᑎᑦ.
  • 2001-ᖑᓕᖅᑎᓪᓗᒍ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᔭᕇᖅᓯᓚᐅᖅᑐᑦ ᓴᓇᓪᓗᑎᑦ ᐃᒡᓗᓂᑦ ᐊᑭᓖᑦ $160 ᒥᓕᐊᓐ ᐊᑐᖅᑐᐊᖅᑕᐅᓂᐊᖅᑐᑎᑦ ᓄᓇᕗᑦ ᒐᕙᒪᖏᓐᓄᑦ.
  • 2008−ᖑᓕᖅᑎᓪᓗᒍ, ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᔭᕇᖅᓯᓚᐅᖅᑐᑦ ᓴᓇᓪᓗᑎᑦ ᐃᓄᒃᓱᒐᐃᑦ ᐃᒡᓗᕐᔪᐊᖓᓂᒃ, ᐊᖏᕐᕋᒃᓴᐅᔪᑦ ᐊᒻᒪᓗ ᑮᓇᐅᔭᓕᐅᕐᕕᐅᔪᓐᓇᕐᓗᑎᑦ ᐊᑐᖅᑐᐊᖅᑕᐅᒐᒃᓴᑦ ᐱᓕᕆᐊᖅ ᐊᑭᖃᖅᑐᓂ $40 ᒥᓕᐊᓐᓂᒃ.
  • ᔫᓂ 2, 2011-ᖑᑎᓪᓗᒍ ᐊᑐᖅᑐᐊᕐᕕᒃ ᑯᐊᐳᕇᓴᙵ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐱᖁᑎᓕᕆᔨᒃᑯᑦ ᑎᒥᖓ ᐃᖅᑲᓇᐃᔭᖃᑎᒌᓕᓚᐅᖅᑐᑦ ᐊᑎᓕᐅᖅᓯᒪᓪᓗᑎᑦ ᒪᓕᑦᑐᒍ ᓄᓇᕗᒻᒥ ᐱᓕᕆᖃᑎᒌᖕᓂᕐᒧᑦ ᐱᖁᔭᖅ. ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ/ᐊᑐᖅᑐᐊᕐᕕᒃ ᑯᐊᐳᕇᓴᓐ ᓴᓇᔪᓕᕆᕝᕕᖓᓂᒃ L.P. ᓯᕐᓗᐊᖅ ᐃᓂᖓ ᓴᓇᔭᐅᓚᐅᖅᑐᖅ ᐱᖓᓱᐃᓕᖅᑲᖓᔪᑎᒍᑦ ᐊᕐᕌᒍᓂ 2011 ᐊᒻᒪᓗ 2013 ᑲᑎᑦᑐᒋ 25,500 ᑭᑉᐹᕆᒃᑐᑦ ᐃᓯᒐᑦ ᐊᖏᓂᖃᖅᑐᒥᒃ.
  • ᔫᓂ, 2016-ᖑᑎᓪᓗᒍ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵ ᐊᒻᒪᓗ ᓄᓇᕗᑦ ᒐᕙᒪᖏᑦ ᐱᖁᔭᖅᑎᒍᑦ ᒪᓕᒋᐊᖃᕐᓇᙱᑦᑐᒥᒃ ᑎᑎᖅᑲᓕᐅᖃᑎᒌᓚᐅᖅᑑᒃ ᐱᓇᓱᐊᒐᖃᕐᓂᐊᖅᑐᑎᑦ ᐋᖅᑭᒃᓱᐃᔪᑦ ᐊᑐᖅᑐᐊᕐᓗᑎᑦ ᓇᒻᒥᓂᖅᑖᕆᔭᐅᓛᕐᓗᓂ 10−ᖑᔪᑦ ᐊᓪᓚᕝᕕᒃᓴᐅᔪᑦ ᐃᓱᓕᑉᐸᑦ 20 ᐊᕐᕋᒍᑦ ᐊᑐᖅᑐᐊᕐᓂᕆᔭᖏᑦ. ᐊᑐᖅᑐᐊᓂᕐᒧᑦ ᐋᖅᑭᒋᐊᖅᑕᐅᓯᒪᔪᑦ ᐊᖏᕈᑎᖏᑦ (ᐊᑐᖅᑐᐊᓯᓐᓈᕐᓗᑎᑦ ᓇᒻᒥᓂᖅᑖᕆᔭᐅᓛᖅᑐᑦ) ᐊᑐᓂ ᐃᒡᓗᓄᑦ ᐱᔭᐅᔪᓐᓇᖅᓯᓕᕋᔭᖅᑐᑦ ᐃᓱᓕᑉᐸᑦ ᐊᑯᓂᐅᓂᖏᑦ ᐊᑐᖅᑐᐊᕆᐊᙵᕈᑎᒥᓂᖏᑦ ᐊᑭᓕᕆᐊᖃᓕᖅᑎᓪᓗᒋᑦ.